ՀՀ ԱԳՆ պատասխանը Ալիևի սպառնալիքներին․ Արմեն Խաչատրյանը՝ Տեղ գյուղի իրավիճակի մասին․ Լուրեր

• Հայաստանի ԱԳՆ-ն այսօր պատասխանել է Ադրբեջանի ղեկավար Իլհամ Ալիրի սպառալիքներին։ Հայտարարության մեջ նշվել է, որ Ադրբեջանի նախագահն իր հայտարարությամբ բացահայտորեն ընդունում է Հայաստանի Հանրապետության ինքնիշխան տարածքների նկատմամբ ծրագրավորված ագրեսիա իրականացնելու և օկուպացիայի փաստը, ինչպես նաև անթաքույց կերպով բացահայտում է Լեռնային Ղարաբաղի բնակչությանն էթնիկ զտումների ենթարկելու իր մտադրությունները։ Ալիևը, հիշեցնենք, պնդել էր, թե Արցախի հայերը կամ պետք է Ադրբեջանի քաղաքացիություն ընդունեն, կամ հեռանան Արցախից։
• Այս հայտարարությունների համատեքստում Ռուսաստանի նախագահի խոսնակ Դմիտրի Պեսկովը հայտարարել է, որ Ռուսաստանի, Ադրբեջանի և Հայաստանի եռակողմ համաձայնագրերը Լեռնային Ղարաբաղի վերաբերյալ միակ իրական հիմքն են իրավիճակի կարգավորման համար, դրանց իրականացումն անհրաժեշտություն է։
• ԱԺ ՔՊ խմբակցության պատգամավոր Արմեն Խաչատրյանն այսօր մեկնաբանել է Սյունիքի Տեղ գյուղի մարտերից հետո ստեղծված վիճակը և նշել է, որ հարաբերականորեն խաղաղ վիճակ է, ինժեներական աշխատանքները երկուստեք ընթանում են: Նա ասել է, որ ադրբեջանական կողմը դիրքեր է կառուցել նաև այն հատվածներում, որոնք Հայաստաի վարչական տարածքում են, և որ Հայաստանի վարչական տարածքում ադրբեջանցի չպետք է լինի: Հիմա թե ոնց կհասնենք դրան՝ ժամանակը ցույց կտա․ ասել է Խաչատրյանը։

Այս ժամի լուրերը՝ տեսանյութում։