06.10.2026 | 22:22
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում
Փաշինյանը՝ Անկարայի և Բաքվի հետ կարգավորման մասին․ Հովիկ Աբրահամյանին մեղադրանք ներկայացվեց․ Լուրեր
18.04.2023 | 21:30
- Նիկոլ Փաշինյանի մղումն է ամեն հնարավորը անել՝ Ադրբեջանի հետ հնարավորինս շուտ խաղաղության պայմանագիր կնքելու համար։ Այս մասին ինքը՝ վարչապետը, այսօր ասել է խորհրդանում կառավարության աշխատանքի մասին զեկույց ներկայացնելիս։ Նա նշել է, որ պատերազմից հետո Ադրբեջանը էյֆորիայի մեջ է եւ մտածում է վերցնել հնարավորինս շատ բան, իսկ եթե հնարավոր է՝ վերցնել ամեն ինչ։ Ըստ Փաշինյանի՝ Ադրբեջանի հետ պետք է ճանաչել միմյանց տարածքային ամբողջականությունը։ Նա նաև հայտարարել է, որ հայկական կողմն առաջարկել է պայմանագրին կցվեն Հայկական և Ադրբեջանական ԽՍՀ-ների՝ ԽՍՀՄ կողմից հաստատված քարտեզները՝ որպես երկու երկրների տարածքային ամբողջականության հիմք:
- Արցախի մասին նա նորից ակնարկել է, թե նախկինում Լեռնային Ղարաբաղը բանակցությունների ժամանակ ճանաչել են Ադրբեջանի մաս։ Թուրքիայի հետ հարաբերությունների մասին էլ նա ասել է, թե հարաբեությունների կարգավորման հնարավորություն կա։
- ՀՀ նախկին վարչապետ Հովիկ Աբրահամյանին մեղադրանք է ներկայացվել, նրա նկատմամբ խափանման միջոց է ընտրվել բացակայելու արգելքը։ ավելի վաղ դատախազությունը հայտարարություն է տարածել այն մասին, որ որոշում է կայացվել հանրային քրեական հետապնդում հարուցել Աբրահամյանի նկատմամբ։
Այս ժամի լուրերը՝ տեսանյութում։
