16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ուկրաինան կռվում է նաև ՀՀ-ի՛ համար․ ՌԴ-ի նպատակն է ստրկացնել բոլորիս․ չի՛ լինելու Միութենական պետություն․ Ալեքսանդր Բոժկո․ՏԵՍԱՆՅՈՒԹ
Քաղաքականություն
18.04.2023 | 19:02
Մինչ կատաղի մարտերը Բախմուտում շարունակվում են, քննարկվում է ուկրաինական բանակի՝ մոտատուլ հակահարձակման անցնելու հարցը։ ԱՄՆ Պաշտպանության նախարարությունից հակահարձակման մասին տեղեկատվության արտահո՞սքն է սպասեցնում ուկրաինական կողմին։
Factor TV-ի հարցազրույցում ՀՀ-ում Ուկրաինայի նախկին դեսպան, հայագետ Ալեքսանդր Բոժկոյից հետաքրքրվեցինք՝ որո՞նք են վերջին տեղեկություններն այս թեմայով, ի՞նչ ժամկետում, ի՞նչ ուղղություններով կարող է հակահարձակումը լինել. «Ուկարինան հարձակման կանցնի՝ մեծաքանակ զինտեխնիկա ենք կուտակել, մեր զորքը պատրաստվել է Արևմուտքում, թշնամուն հետ կշպրտենք մեր տարածքից։ Ժողովուրդը պատերազմի մեջ է, և մենք ազատագրելու ենք Ուկրաինայի հարավը։ Այսօր ՌԴ-ն ճնշում է նաև ՀՀ-ին՝ նոր ձևերով։ Այն միշտ է եղել, Պետդումայի պատգամավորի ասածը ծիծաղելի է, թե իբր ՀՀ-ն ոչ ճիշտ ձևով է դուրս եկել ԽՍՀՄ-ից։ ՀՀ-ն ՌԴ-ի դաշնակիցն էր մինչև հիմա, բայց պարզվում է՝ դաշնակից չէ։ Դա մշտական տակտիկա է, եթե ՌԴ-ին պետք է, նաև Ղազախստանի, Ուզբեկստանի դեմ կանի։ Այսօր Ուկրաինան պատերազմում է նաև ՀՀ-ի համար, ՌԴ-ն ուզում է ստրկացնել մեզ բոլորիս․ չի՛ լինի Միութենական պետություն։ Ուկրաինան երբ հաղթի, կփոխվի՛ դրությունը՝ գլոբալ իմաստով, աշխարհը կբացվի ՀՀ-ի և Ուկրաինայի առաջ», – ասաց Ալեքսանդր Բոժկոն։
Հարցազրույցն ամբողջությամբ՝տեսանյութում։
Ռոբերտ Անանյան
