27.06.2026 | 11:42
Ուկրաինան հրթիռային հարված է հասցրել «Օրեշնիկ» արտադրող գործարանին
Փաշինյանը ծանոթացել է ոստիկանների նոր տեխնիկային․ Վարդան Ղուկասյանի դեմ քրգործ է հարուցվել․ Լուրեր
17.04.2023 | 21:15
- Վարչապետ Նիկոլ Փաշինյանը Ոստիկանության օրվա առթիվ մասնակցել է Ոստիկանության կոլեգիայի նիստին: Փաշինյանը նշել է, որ իր ծառայության ընթացքում ոստիկանը չպետք է ստիպված լինի մտածել իր ընտանիքի սոցիալ-կենցաղային հարցերի, և դրա համար անհրաժեշտ է բարձրացնել ոստիկանների աշխատավարձերը։ Փաշինյանը ծանոթացել է նաև ոստիկանության նոր մեքենաներին և այլ տեխնիկային, նրան ներկայացվել են նաև ոստիկանական սկուտերները։
- Հանրային ձայն կուսակցության ղեկավարներ Վարդան Ղուկասյանին և Արտակ Գալստյանին շորթման համար մեղադրանքներ են ներկայացվել, հայտնում է քննչական կոմիտեն։ Նշվում է, որ մեղադրվողները պահանջներ են ներկայացրել տարբեր անձանց՝ Վարդան Ղուկասյանի կողմից հրապարակվող տեղանյութերում նրանց և նրանց հարազատների վերաբերյալ վարկաբեկող տեղեկություններ չհրապարակելու համար։ Արտակ Գալստյանը և նրա ենթադրյալ հանցակիցներից մեկը ձերբակալվել են։ Կատարվել են խուզարկություններ, քննչական կոմիտում քննում են այս անձանց առնչվող 46 դրվագներով հանցագործությունների առերևույթ դեպքեր։
- «Հայրենիքի փրկության շարժման» վարչապետի նախկին թեկնածու Վազգեն Մանուկյանի գործով դատախազ Արմեն Գևորգյանը հրապարակել է մեղադրական ճառը` դատարանին միջնորդելով Վազգեն Մանուկյանին մեղավոր ճանաչել վերագրվող արարքում և նրան դատապարտել 500 հզ դրամ տուգանքի: Մանուկյանը մեղադրվում է իշխանությունը զավթելու, սահմանադրական կարգը բռնի տապալելու, բռնություն գործադրելու հրապարակային կոչեր հնչեցնելու մեջ։
Այս ժամի լուրերը՝ տեսանյութում։
