13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
ԱԱԾ-ում վարույթ է սկսվել 2 ադրբեջանցիների գործով․ կառավարությունը՝ գերիների թվի մասին․ Լուրեր
Քաղաքականություն
17.04.2023 | 17:17
- Ադրբեջանը մինչև օրս շարունակում է 33 գերեվարված հայ քաղաքացու պահել անազատության մեջ: Այս մասին նշված է կառավարության նոր զեկույցում, որն ամփոփել է 2022 թվականի աշխատանքները։ Այնտեղ նաև նշվում է, թե խաղաղության և հարաբերությունների հաստատման պայմանագրի վրա աշխատանքի երեք շրջափուլ, որի ընթացքում Հայաստանն ու Ադրբեջանը փոխանակել են դիտարկումներ և առաջարկություններ: Հակամարտության համատեքստում նշվում է, որ հայկական կողմից 975 քաղաքացու գտնվելու վայրն անհայտ է համարվում, որոնցից 777-ը՝ Ղարաբաղյան առաջին պատերազմի, 196-ը՝ 44-օրյա պատերազմի, 2-ը՝ սեպտեմբերյան ագրեսիայի հետևանքով:
- ԱԱԾ-ում քրեական վարույթներ են սկսվել Ադրբեջանի բանակի երկու զինծառայողների նկատմամբ, որոնք Հայաստան էին ներթափանցել Նախիջևանի կողմից։ Վարույթի պարզ է դառնում, որ ադրբեջանցիները եղել են զինված։ Նրանց մեղադրանքներ են առաջադրվել և՛ սահմանն ապօրինի հատելու, և՛ զենք տեղափոխելու համար։
- Երևան է ժամանելու ԱՄՆ պետքարտուղարի փոխտեղակալ Էրիկա Օլսոնը, որն ապրիլի 17-18-ին կհանդիպի ՀՀ պաշտոնատար անձանց, այդ թվում՝ վարչապետ Նիկոլ Փաշինյանի հետ՝ քննարկելու հայ-ամերիկյան երկկողմ փոխգործակցությունը և ԱՄՆ աջակցությունը հայ-ադրբեջանական դիվանագիտական բանակցություններին` միտված համընդգրկուն խաղաղության համաձայնագրին։
Այս ժամի լուրերը՝ տեսանյութում։
