07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
Մեղադրողը միջնորդեց Վազգեն Մանուկյանի նկատմամբ 500 հազ․ դրամ տուգանք կիրառել
Հասարակություն
17.04.2023 | 16:42
«Հայրենիքի փրկության շարժման» վարչապետի միասնական թեկնածու Վազգեն Մանուկյանի գործով դատախազ Արմեն Գևորգյանը քիչ առաջ հրապարակեց մեղադրական ճառը` դատարանին միջնորդելով Վազգեն Մանուկյանին մեղավոր ճանաչել վերագրվող արարքում և նրան դատապարտել 500 հզ դրամ տուգանքի:
Հիշեցնենք, որ Մանուկյանը մեղադրվում է իշխանությունը զավթելու, սահմանադրական կարգը բռնի տապալելու, բռնություն գործադրելու հրապարակային կոչեր հնչեցնելու մեջ։
Ըստ վարույթն իրականացնող Քննչական կոմիտեի՝ 2021թ. փետրվարի 12-ին և 20-ին՝ Ազատության հրապարակում ընդդիմության անցկացրած հանրահավաքների ժամանակ, ինչպես նաև փետրվարի 26-ին՝ Բաղրամյան պողոտայում անցկացված հանրահավաքի ժամանակ է Մանուկյանը իշխանությունը զավթելու, սահմանադրական կարգը բռնի տապալելու, բռնություն գործադրելու հրապարակային կոչեր արել։
Մանուկյանի նկատմամբ խափանման միջոց է ընտրված ստորագրությունը՝ չհեռանալու մասին։ Վազգեն Մանուկյանն իրեն առաջադրված մեղադրանքը չի ընդունել, նա իր հանդեպ տեղի ունեցածը քաղաքական հետապնդում է որակել։
Արաքս Մամուլյան
