25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Ադրբեջանի ԶՈՒ-ն կրակել է Սոթքի հանքավայրի ուղղությամբ
15.04.2023 | 17:12
Ապրիլի 14-ի երեկոյան՝ ժամը 19:00-ից 23:00 ընկած ժամանակահատվածում, ադրբեջանական ԶՈւ-ն կրակ է բացել Սոթքի ոսկու հանքի ուղղությամբ: Factor.am-ի տեղեկություններով՝ հանքի աշխատակիցները տարհանվել են, այս պահին, անվտանգության նկատառումներից ելնելով, աշխատանքը դադարեցված է։ Մեր տեղեկություններով՝ Ադրբեջանի ԶՈւ-ի թիրախը եղել են հանքավայրի մոտ տեղադրված ՀՀ դրոշն ու աշխատակիցները։ Տուժածներ չկան։
Պաշտպանության նախարարության մամուլի խոսնակ Արամ Թորոսյանը Factor.am-ի հետ զրույցում չհերքեց մեր տեղեկությունը, միայն նշեց, որ հրադադարի ցանկացած ինտենսիվ խախտման դեպքում պաշտպանության նախարարությունը հաղորդագրություն է տարածում։
Նշենք, որ երեկ Կարեն Դեմիրճյանի անվան մարզահամերգային համալիրում ծանրամարտի Եվրոպայի առաջնության բացման ժամանակ, երբ ներկայացվում էին մասնակից երկրները, ոճաբան Արամ Նիկոլյանը այրեց Ադրբեջանի դրոշը։ Նրան բերման ենթարկեցին, ապա ազատ արձակեցին։ Ծանրամարտի Եվրոպայի առաջնությանը մասնակցելու նպատակով Ադրբեջանից Հայաստան ժամանած 12 հոգանոց պատվիրակությունը վերադարձել է Բաքու։
Արփի Հակոբյան
