30.06.2026 | 15:10
Փաշինյանը Թեհրան կմեկնի՝ ըստ իրանական աղբյուրի // ՍԴ-ն փակ նիստ է անցկացնում․ ԼՈՒՐԵՐ
Արզումանյանի գործը հասավ Հակակոռուպցիոն դատարան․ Չավուշօղլուն՝ Տեղի փոխհրաձգության մասին․ Լուրեր
14.04.2023 | 19:33
- ԱՊՀ երկրների ԱԳ նախարարների հավաքի ընթացքում Հայաստանի ԱԳ նախարար Արարատ Միրզոյանի և Ռուսաստանի ԱԳ նախարարի հանդիպմանը նախանշվել է 2020-2022 թվականներին Ռուսաստանի, Հայաստանի և Ադրբեջանի ղեկավարների պայմանավորվածություններին համապատասխան հայ-ադրբեջանական հարաբերությունների կարգավորման բոլոր ուղիներում ջանքերի ակտիվացման կարևորությունը։ Պայմանավորվածություն է ձեռք բերվել հետագա դիվանագիտական շփումների վերաբերյալ
- Թուրքիայի արտգործնախարար Մևլյութ Չավուշօղլուն այսօր կրկին խոսել է այսպես կոչված Զանգեզուրի միջանցքի բացման անհրաժեշտության մասին և Սյունիքի Տեղ գյուղում ադրբեջանցիների հրահրած մարտերի համար մեղադրել է հայկական կողմին։ Նա նաև նշել է, թե իրենք կցանկանան, որ Իրանը նույնպես անցուղի ունենա Նախիջևանից Ադրբեջան, քանի որ մեկ ճանապարհի վրա հիմնվելը ռիսկային է իրենց համար։
- Արցախի պատշպանության բանակի նախկին հրամանատար, գեներալ-լեյտենանտ Միքայել Արզումանյանի գործն ուղարկվել է Հակակոռուպցիոն դատարան։ օրեր առաջ Երևանի ընդհանուր իրավասության դատարանը բավարարել էր քննչական կոմիտեի ներկայացրած միջնորդությունը և 2 ամսով երկարեցրել Արզումանյանի կալանքը։
- Վարչապետ Նիկոլ Փաշինյանն այսօր ընդունել է Ծանրամարտի միջազգային ֆեդերացիայի նախագահ Մուհամմեդ Ջալուդին և Ծանրամարտի Եվրոպայի ֆեդերացիայի նախագահ Անտոնիո Կոնֆլիտտիին: Վարչապետն ընդգծել է, որ սպորտի զարգացումը, առողջ ապրելակերպի խրախուսումը ռազմավարական ուղղություն է Հայաստանի կառավարության համար։
Այս ժամի լուրերը՝ տեսանյութում։
