16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Փաշինյանը՝ բանակցելուց չհրաժարվելու մասին․ Ֆրանսիայի ԱԳՆ-ի հասցեական կոչը Բաքվին․ Լուրեր
Քաղաքականություն
13.04.2023 | 13:31
- Կառավարության այսօրվա նիստին վարչապետ Նիկոլ Փաշինյանը հայտարարել է, թե շարունակում են հավատարիմ մնալ հարցերը բանակցություններով լուծելու քաղաքականությանը։ Նույն նիստին նա կիլոմետր առ կիլոմետր թվարկել է իրենց կառավարության ծրագրերով ասֆալտապատված ճանապարհները։ Նիստի օրակարգում ընդամենը երեք քննարկվող նախագիծ է ներկայացվել։ Կառավարությունում ընդունել են նաև ՄԻՊ պաշտոնին նոր ընտրված Անահիտ Մանասյանին, Փաշինյանը կառավարության նիստի ժամանակ շնորհավորել է նրան ընտրվելու կապակցությամբ։
- Ֆրանսիայի ԱԳՆ-ն իր «խորը մտահոգությունն է հայտնում ապրիլի 11-ին Հայաստանի և Ադրբեջանի սահմանին, հայկական տարածքում Տեղ բնակավայրի մոտ տեղի ունեցած բռնության կապակցությամբ։ Ֆրանսիայի ԱԳՆ հայտարարության մեջ նշվում է, որ Հայաստանի տարածքային ամբողջականության նկատմամբ հարգանքը և շփման գծի հայկական կողմի օկուպացված դիրքերից ադրբեջանական ուժերի դուրսբերումը էական նշանակություն ունեն ապագա միջադեպերը կանխելու և տարածաշրջանում կայուն խաղաղության հիմքերը պահպանելու համար։
- Արժույթի միջազգային հիմնադրամի կանխատեսման համաձայն՝ Հայաստանն այս տարի ամենաբարձր տնտեսական աճը կունենա տարածաշրջանում։ 2023 թվականի համար կառույցը կանխատեսում է Հայաստանի տնտեսության 5,5 տոկոս աճ, Վրաստանի դեպքում՝ 4 տոկոս, Ադրբեջանի՝ 3 տոկոս։ Ռուսաստանի և Թուրքիայի համար ավելի ցածր թվեր են նախանշվում։
Այս ժամի լուրերը՝ տեսանյութում։
