Պապիկյանը մանրամասներ է հայտնել Տեղի մարտերից․ Փաշինյանը նորից մեղադրել է զինվորականներին․ Լուրեր

• Պաշտպանության նախարար Սուրեն Պապիկյանն այսօր խորհրդարանում մանրամասներ է ներկայացրել նախորդ օրը Տեղ գյուղի հատվածում փոխհրաձգության մասին։ Պապիկյանն ասել է, որ նախորդ օրերի ընթացքում հայկական և ադրբեջանական կողմերը բազմաթիվ նման հանդիպումներ են ունեցել՝ դիրքային տեղակայումները ճշտելու համար։ Նրա խոսքով՝ երեկվա դեպքը նույնպես սկսվել է բանակցություններով, սակայն դրան հաջորդել են հրմշտոցն ու փոխհրաձգությունը։ Ըստ Պապիկյանի՝ դիրքերի ճշգրտումները շարունակվում են։
• Տեղ գյուղի հատվածում մարտերի ժամանակ եվրոպական դիտորդները այդ հատվածում չեն եղել, սակայն տեղեկացվել են իրավիճակի մասին։ Այս մասին այսօր ասել է ԱԳ նախարար Արարատ Միրզոյանը և նշել է, որ հայկական կողմում չգիտեն, թե դիտորդները ինչ են այս մասին զեկուցել ԵՄ արտաքին ծառայությանը։
• Փաշինյանը նաև նոր մեղադրանքներ է ներկայացրել դիվանագիտությանը և զինվորականներին։ Փաշինյանը հայտարարել է, թե Մադրիդյան սկզբունքների ընդունումով Հայաստանն Արցախը ճանաչել է որպես Ադրբեջանի մաս։ Իսկ զինվորականների մասինն ակնարկներ է ներկայացրել, թե նրանք այլ պետությունների գործակալներ են։ Նրա խոսքով՝ եղել են դեպքեր, երբ զինվորականները հանձնել են դիրքեր՝ առանց դրա բացատրության։
• Գերիների վերադարձի մասին հարցին պատասխանելիս Փաշինյանը կրկնել է նախկին պնդումները, որ Ադրբեջանը խախտում է պարտավորությունները, և Հայաստանի իշխանությունը շարունակում է աշխատել միջազգային գործիքակազմով այդ հարցը լուծելու համար։

Այս ժամի լուրերը՝ տեսանյութում։