15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ԵՄ-ի և ՌԴ ԱԳՆ-ի խոսնակները՝ Տեղի մարտի մասին․ Մհեր Սահակյանը զրկվեց անձեռնմխելիությունից․ Լուրեր
Քաղաքականություն
12.04.2023 | 17:00
- Տեղ գյուղում ադրբեջանական զինված ուժերի իրականացրած զինված հարձակման առնչությամբ հայտարարություն է տարածել ԵՄ Արտաքին գործերի և անվտանգության քաղաքականության խոսնակ Նաբիլա Մասրալին։ Նա նշել է, որ սահմանազատված սահմանի բացակայության դեպքում պետք է հարգել 1991 թ.-ի գիծը, կողմերի ուժերը պետք է հետ քաշվեն այդ գծից անվտանգ հեռավորության վրա՝ կանխելու համար նմանատիպ միջադեպերի կրկնությունը։
- Ռուսաստանի ԱԳՆ խոսնակ Մարիա Զախարովան էլ հայտարարել է, որ Տեղում փոխհրաձգույթունից հետո հետո տվյալ շրջանում գտնվող Ռուսաստանի զինված ու ԱԴԾ սահմանապահ ծառայության ուժերի ներկայացուցիչները կապվել են հայկական ու ադրբեջանական կողմերի պատասխանատուների հետ ու միջոցներ ձեռնարկել ապաէսկալացիայի։ Նա նշել է, որ տեղի ունեցածը ևս մեկ անգամ հաստատում է Բաքվի ու Երևանի կողմից փոխադարձ զսպման և Ռուսաստանի, Հայաստանի ու Ադրբեջանի ղեկավարների եռակողմ հայտարարությունների խստիվ պահպանման անհրաժեշտությունը։
- ՀՀ ԱԳՆ-ից հայտնել են, որ նախարար Արարատ Միրզոյանի և ՌԴ ԱԳ փոխնախարար Անդրեյ Ռուդենկոյի հանդիպման ժամանակ ընդգծվել է տարածաշրջանային կայունությամբ շահագրգիռ դաշնակիցների և գործընկերների կողմից պատշաճ արձագանքի և գործուն քայլերի հրատապությունը։
- Ազգային ժողովը փակ, գաղտնի քվեարկությամբ, 65 կողմ ձայնով տվեց իր համաձայնությունը «Հայաստան» խմբակցության պատգամավոր Մհեր Սահակյանի նկատմամբ քրեական վարույթ հարուցելու` գլխավոր դատախազ Աննա Վարդապետյանի միջնորդությանը։
Այս ժամի լուրերը՝ տեսանյութում։
