16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՊՆ-ն՝ գիշերվա իրավիճակի մասին․ Անահիտ Մանասյանը ընտրվեց ՄԻՊ․ Լուրեր
Քաղաքականություն
12.04.2023 | 12:20
- Գիշերվա ընթացքում Ադրբեջանի զինված ուժերի կողմից հրադադարի էական խախտումներ չեն արձանագրվել։ Այս մասին հայտարարել է պաշտպանության նախարարությունը։ Գիշերը նախարարությունը հրապարակել էր երեկ տեղի ունեցած մարտերի ժամանակ զոհված 4 հայ զինծառայողների անունները՝ Արթուր Սահակյան, Մկրտիչ Հարությունյան, Հենրիկ Քոչարյան և Նարեկ Սարգսյան։ Վիրավորված 6 զինծառայողներից երեքի վիճակը գնահատվում է բավարար, մյուս երեքինը` համապատասխանաբար միջին ծանրության, ծանր և ծայրահեղ ծանր: Այսօրվա հաղորդագրությամբ ՊՆ-ից վստահեցրել են, որ ապրիլի 11-ին ադրբեջանական սադրանքի հետևանքով հայկական կողմը դիրքային որևէ կորուստ չունի:
- Հայաստանի Ազգային ժողովում այսօր ՀՀ ՄԻ նոր պաշտպան են ընտրել։ 69 կողմ ձայներով այդ պաշտոնին է ընտրվել իշխանության թեկնածու, մինչ այդ գլխավոր դատախազի տեղակալ Անահիտ Մանասյանը։ Ընդդիմությունը չի մասնակցել քվեարկությանը։ Ընդդիմության կողմից առաջադրված և չընտրված թեկնածու Էդգար Ղազարյանը հայտնել է, որ Մանասյանի ընտրությունը վիճարկելու է դատական կարգով։
- Խորհրդարանի այսօրվա նիստում Արամայիս Փաշինյանի թեկնածությունը առաջադրվել է Կոռուպցիայի կանխարգելման հանձնաժողովի անդամի պաշտոնի համար։ Այս պահին Փաշինյանը այդ կառույցի անդամ է և առաջադրվում է երկրորդ անգամ։ Նախորդ առաջադրման ժամանակ նա նշել է, որ իրեն հայտնի ազգակցական կապ չունի Նիկոլ Փաշինյանի հետ։
Այս ժամի լուրերը՝ տեսանյութում։
