05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Ադրբեջանի հետ կհանդիպի Արցախը, բայց ինտեգրման մասին չի՛ կարող խոսք լինել․ Արամ Հարությունյան․ ՏԵՍԱՆՅՈւԹ
Քաղաքականություն
11.04.2023 | 19:32
Արցախի իշխանությունը որոշում է կայացրել ՌԴ խաղաղապահների միջոցով Ադրբեջանին առաջարկել հանդիպել՝ հումանիտար բնույթի անհետաձգելի հարցեր քննարկելու համար։ Ստեփանակերտն առաջարկել է հանդիպումն անցկացնել խաղաղապահների տեղակայման վայրում` Իվանյանում`զորախմբի հրամանատարության միջնորդությամբ։
Բաքվի հետ Արցախի ներկայացուցիչները հանդիպել են ինչպես փետրվարին, այնպես էլ մարտին։ Հետո Ադրբեջանը Բաքու հրավիրեց ԼՂ-ի իշխանության ներկայացուցիչներին՝ «վերաինտեգրման, ինչպես նաև` Ղարաբաղում ենթակառուցվածքային ծրագրերի իրականացման հարցը քննարկելու»։ Պաշտոնական Ստեփանակերտը մերժեց այս առաջարկն ու նաև բացառեց արցախցիների «վերաինտեգրացիան» Ադրբեջանի կազմում։ Ինչո՞ւ ԼՂ-ի իշխանությունը կայացրեց այսպիսի որոշում, և Բաքուն այս անգամ էլ նույն օրակարգը չի՞ առաջարկի։
FactorTV-ի հարցազրույցում Արցախի իշխող «Ազատ հայրենիք-ՔՄԴ» խմբակցության պատգամավոր Արամ Հարությունյանը նշում է, որ Արցախը պատրաստ է Ադրբեջանի հետ հանդիպել՝ լարվածությունը չմեծացնելու նպատակով։ Պատգամավորն ասում է, որ Արցախում լուրջ ճգնաժամի առաջ կանգնելու վտանգ կա, եթե լուծումներ չլինեն․
«Չափազանց լուրջ և սուր է գազամատակարարման, էլեկտրաէներգիայի խնդիրները, ինչպես նաև՝ երթևեկության վերականգնումը հրատապ հարց է։ Ադրբեջանի հետ այս մասին պետք է խոսակցություն լինի»։
Սակայն Արցախի պատգամավորը նշեց, որ եթե Ադրբեջանը կրկին ինտեգրման օրակարգ փորձի առաջ մղել, արցախյան կողմը չի համաձայնվի այդ հարցով խոսակցություն վարել։
Հարցազրույցն ամբողջությամբ՝ տեսանյութում։
Ռոբերտ Անանյան
