16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Արցախը դիմել է Բաքվին՝ բանակցելու համար․ ՀՀ մտած 2-րդ ադրբեջանցուն դեռ փնտրում են․ Լուրեր
Քաղաքականություն
11.04.2023 | 14:15
- Արցախի իշխանությունները Ռուսաստանի խաղաղապահ առաքելության միջոցով, վերջիններիս տեղակայման վայրում և զորախմբի հրամանատարության միջնորդությամբ հանդիպում անցկացնելու առաջարկ են փոխանցել ադրբեջանական կողմին՝ հումանիտար բնույթի անհետաձգելի հարցեր քննարկելու համար։
- Հայաստանի սահմանը հատած ադրբեջանցի երկրորդ զինծառայողը դեռ չի հայտնաբերվել։ Առավոտյան այս մասին Factor.am-ին ասել է Պաշտպանության նախարարության մամուլի խոսնակ Արամ Թորոսյանը։ Ավելի ուշ նաև ԱԺ պաշտպանության հանձնաժողովի նախագահ Անդրանիկ Քոչարյանն է հայտարարել, որ երկրորդ զինծառայողը չի հայտնաբերվել։
- Շիրակի մարզից 26 գերիների հարազատներն ի նշան բողոքի փակել են Գյումրի֊Բավրա միջպետական ճանապարհն Աշոցքի հատվածում։ Նրանք հայտարարել են, որ չեն բացելու ճանապարհը, մինչև գերիները չվերադարձվեն։ Հիշեցնենք, որ զինծառայողները գերեվարվել էին Հադրութի շրջանի Խծաբերդի մարտական դիրքերում։
- Ազգային անվտանգության ծառայության քննչական դեպարտամենտում քննվող քրեական վարույթով («Գաղտնի» նշագրմամբ) նախաքննությունն ավարտվել է: մեղադրանք է ներկայացվել ՀՀ պաշտպանության նախկին նախարար Սեյրան Օհանյանին ու ևս 11 մարդու։
Այս ժամի լուրերը՝ տեսանյութում։
