16.01.2026 | 20:00
Հայաստանը 100-ից 26 միավոր է ստացել․ SIGMA-ն գնահատել է հանրային կառավարման ոլորտը․ ՏԵՍԱՆՅՈՒԹ
«Չենք բացի ճանապարհը, մինչև մեր տղաներին չվերադարձնեք»․ գերիների հարազատների ակցիան՝ Աշոցքում
Հասարակություն
11.04.2023 | 11:28
Շիրակի մարզից 26 գերիների հարազատներն ի նշան բողոքի փակել են Գյումրի֊Բավրա միջպետական ճանապարհն Աշոցքի հատվածում։ Նրանք հայտարարում են, որ այլևս ի վիճակի չեն համբերել, 2 տարի 4 ամիս է՝ ապրում են սպասողական, ծանր հոգեվիճակում։ Ըստ նրանց՝ երբեմն տեսակապով խոսում են որդիների հետ, բայց ավելի են ընկճվում, քանի որ երիտասարդ տղաները զառամյալ ծերունու տեսք ունեն։ Գերիների հարազատները վրդովված են Արտաքին գործերի նախարարության վերաբերմունքից։
«Անցած շաբաթ գնացինք, նույնիսկ ներս չթողեցին, մեզ այլևս ոչ մի հանդիպում պետք չէ, մեր որդիների վերադարձն է պետք, ճանապարհը փակ կմնա այնքան, մինչև մեր որդիները կվերադառնան»,- պատմեցին բողոքի ակցիայի մասնակիցները։
Հիշեցնենք, որ զինծառայողները գերեվարվել էին Հադրութի շրջանի Խծաբերդի մարտական դիրքերում։
Արմիկ Մովսիսյան
