01.11.2024 | 21:16
Ադրբեջանի Մեջլիսի նախագահն ու Բաքվում ՌԴ դեսպանը Եվրախորհրդարանի «հակաադրբեջանական գործողություններն» են քննարկել
ՀՀ ՊՆ-ն ձերբակալել է Ադրբեջանի 1 զինծառայողի․ ով ում դեմ է ցուցմունք տվել ԱԺ միջադեպի գործով․ Լուրեր
Քաղաքականություն
10.04.2023 | 16:50
- Գիշերը ժամը 01:00-02:00-ն ընկած ժամանակահատվածում, ՀՀ տարածքում հայտնաբերվել և ձերբակալվել է Ադրբեջանի ԶՈՒ մեկ զինծառայող․ տեղեկացնում են ՀՀ ՊՆ-ից։ Ըստ ձերբակալվածի խոսքի՝ իր հետ եղել է ևս մեկ ադրբեջանցի զինծառայող, որի որոնողական աշխատանքները շարունակվում են: Ավելի վաղ Ադրբեջանի ՊՆ-ն հաղորդել էր , որ Նախիջևանում ադրբեջանական բանակի զինծառայողներ են անհետացել ոչ բարենպաստ եղանակային պայմաններում մոլորվելու պատճառով։ Սոցցանցերում ադրբեջանցիները հրապարակել են զինծառայողների լուսանկարները և գրել, որ նրանք կորել են ավելի վաղ՝ մոտ 5 օր առաջ։
- Իրանի ԱԽ քարտուղար Ալի Շամխանին Հայաստանի ԱԽ քարտուղար Արմեն Գրիգորյանի հետ հանդիպմանը նշել է, որ Կովկասյան տարածաշրջանում լարվածությունը ձեռնտու չէ ոչ մի երկրի, և որ ցանկացած աշխարհագրական փոփոխություն Հարավային Կովկասի տարածաշրջանում կհանգեցնի տարածաշրջանում լարվածության սրման, ինչը «տարածաշրջանի խաղաղության և անվտանգության թշնամիների պահանջն է»։
- Հրապարակվել են պատգամավորների ցուցմունքները ԱԺ-ում տեղի ունեցած միջադեպի վերաբերյալ, երբ Հայաստան խմբակցությունից Մհեր Սահակյանը փակ նիստի ժամանակ հարվածել է ՔՊ խմբակցությունից Վլադիմիր Վարդանյանին։ Ցուցմունքներում կան հակադիր պնդումներ, սակայն բոլորի մոտ համընկնում է այն, որ եղել է բանավեճ։ Ընդդիմադիր պատգամավորները նշում են, որ Վարդանյանն է վեճի ժամանակ ագրեսիվ եղել ու բարձր տոնով խոսել, իշխանական պատգամավորները պնդում են, որ նա փորձել է կարգ հաստատել նիստի ընթացքում, և Սահակյանն է ագրեսիվ եղել։ Բոլորի, այդ թվում հենց Մհեր Սահակյանի ցուցմունքներում նշվում է, որ Սահակյանն է հարվածել Վարդանյանի դեմքին։
Այս ժամի լուրերը՝ տեսանյութում։
