25.06.2026 | 19:18
Ռուբեն Ռուբինյանն ընտրվել է ԱԺ նախագահի թեկնածու. ՏԵՍԱՆՅՈՒԹ
Շարմազանովը՝ Սաշիկ Սարգսյանի և Վաչագան Ղազարյանի ձերբակալությունների մասին
Քաղաքականություն
25.06.2018 | 18:28
Ազգային ժողովի փոխնախագահ Էդուարդ Շարմազանովը չի ցանկանում որևէ գնահատական տալ Սերժ Սարգսյանի եղբոր՝ Ալեքսանդր Սարգսյանի և պաշտոնաթող նախագահի թիկնազորի պետ Վաչագան Ղազարյանի ձերբակալություններին․ «Ես այս պահին զերծ կմնամ որևէ գնահատական տալուց, երբ Ազգային անվտանգության ծառայությունը կներկայացնի նրանց ձերբակալելու հիմքերը, հանդես կգա համապատասխան հայտարարությամբ, այն ժամանակ էլ գնահատական կտամ և կանդրադառնամ դրանց իրավական հիմքերին»։
Հստակեցնող հարցին՝ այս ձերբակալությունների մեջ քաղաքական ենթատեքստ տեսնո՞ւմ է, թե՝ ոչ, Էդուարդ Շարմազանովը պատասխանեց․ «Քաղաքական գնահատական տալ- չտալը կախված կլինի ԱԱԾ-ի տարածած հաղորդագրությունից և ներկայացրած հիմքերից»։
Հիշեցնենք, որ ավելի վաղ տեղեկացրել ենք, որ այսօր ԱԱԾ աշխատակիցների իրականացրած գործողությունների արդյունքում ձերբակալվել են Սերժ Սարգսյանի անվտանգության ծառայության նախկին ղեկավար, ՀՀ պետական պահպանության ծառայության պետի առաջին տեղակալ Վաչագան Ղազարյանը և Սերժ Սարգսյանի եղբայր Ալեքսանդր Սարգսյանը։
