Բաժանվա՞ծ ես, տուն չենք տալիս․ վարձով բնակարան գտնելու փշոտ ուղին․ ՏԵՍԱՆՅՈՒԹ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Թեև մայրաքաղաքում մեծ թափով կառուցապատման աշխատանքներ են ընթանում, այնուամենայնիվ, անշարժ գույքի շուկայում լարվածությունը դեռ չի թուլանում։ Վարձով բնակարան գտնելն իսկական փորձություն է։ Մեծ պահանջարկն ու առաջարկվող բնակարանների փոքր թիվը թույլ են տալիս տանտերերին ոչ միայն բարձր գներ սահմանել, այլև սեփական պայմանները թելադրել՝ սկսած վարձակալի ազգությունից ու սեռից մինչև գործարքի հետ կապ չունեցող այլ չափանիշներ, տալ անձնական հարցեր ու ընտրել վարձակալին՝ ըստ ճաշակի, հաճախ հրաժարվելով նույնիսկ պայմանագիր կնքել։

Արաքս Պողոսյանը որդու հետ վերջերս է Ռուսաստանից Հայաստան տեղափոխվել։ Վարձով բնակարան գտնելու համար շուրջ 1 ամիս է պահանջվել։ Առաջին խնդիրը, որին բախվել է, սահմանափակ առաջարկն է եղել։

«Ինձանից առաջ արդեն մեկ տարի Հայաստան եկած ռուսները փնտրել և գտել էին, կարելի է ասել, ամենալավ բնակարանները, և բավականին բարդ էր գտնել լավ բնակարան, որովհետև քիչ են»,- նշում է Արաքս Պողոսյանը։

Խտրականության դսևորումներ ևս նկատել է։

«Մարդիկ հասկանում էին, որ դու երեխայի հետ ես, և կռահում էին, որ բաժանված ես: Այստեղ առաջանում էր երկրորդ հիմնական խնդիրը, որը Հայաստանում շատ-շատ է առաջանում, բաժանված մարդկանց, կապ չունի՝ կին, թե տղամարդ, բավականին բարդ են տալիս բնակարան»,- ասում է Արաքս Պողոսյանը։

Բնակարանատերերն ամուսնալուծված լինելու հանգամանքը կռահում էին կամ փորձում հարցերի միջոցով պարզել, բայց դրանք հնչում էին տողատակերով և կասկածամտությամբ։

«Շատ հետաքրքիր հարցեր էին տալիս, օրինակ՝ ի՞նչ եք աշխատում։ Այսինքն՝ «ի՞նչ եք աշխատում» հարցը հնչում էր այնպես, որ որտեղի՞ց Ձեզ այնքան գումար, որ կարող եք վարձել բնակարան»,- ասում է մեր զրուցակիցը։

Նույնիսկ դեպք է եղել, երբ տանտերը, հարցուփորձ անելուց հետո հասկանալով, որ ամուսնուց բաժանվել է, մերժել է տրամադրել բնակարանը։

«Բնականաբար, դա հստակ չեն ասել, բայց այդտեղ նույնիսկ ներկա գտնվող բրոկերն է հասկացել, որ մերժել են հենց դրա համար»,- նշում է նա։

Ինչ վերաբերում է բնակարանների պայմաններին, այս հարցում հաճախ է հնչել՝ «ոչինչ, յոլա գնացեք» պատասխանը։

Երեխայի հետ կապված խնդիրների չի բախվել: Ասում է՝ իր որդին արդեն մեծ է, բայց նման օրինակների մասին շատ է լսել։

«Իմ շատ-շատ ընկերներին, ովքեր ունեն փոքրիկ երեխաներ, իրենց մերժել են հենց դրա համար, նույնիսկ շատ դեպքերում իմանալով, որ հղի է երկրորդ կամ երրորդ երեխայով, մերժել են հենց դրա համար»,- նշում է Արաքս Պողոսյանը։

Վարձակալի վերաբերյալ տանտերերի անձնական նախընտրություններն ու առաջարկվող սահմանափակումները հաճախ տեղ են գտնում նաև բնակարանի վարձակալության մասին հայտարարություններում։

Մանրամասները՝ տեսանյութում։

Անժելա Պողոսյան