13.03.2026 | 11:34
ԱՄՆ-ը ժամանակավորապես մեղմացրել է ռուսական նավթի դեմ պատժամիջոցները
Փաշինյանը Պուտինի հետ խոսել է ԼՂ իրավիճակի մասին․ ՌԴ-ն Արցախից տարհանել է իր 63 քաղաքացիների․ Լուրեր
Քաղաքականություն
07.04.2023 | 16:32
- Վարչապետ Նիկոլ Փաշինյանը հեռախոսազրույց է ունեցել Ռուսաստանի նախագահ Վլադիմիր Պուտինի հետ: Հեռախոսազրույցի ընթացքում քննարկվել է Ադրբեջանի կողմից Լաչինի միջանցքի ապօրինի շրջափակման հետևանքով Լեռնային Ղարաբաղում շարունակվող հումանիտար ճգնաժամը: Լեռնային Ղարաբաղում ճգնաժամի հաղթահարման համատեքստում ՀՀ վարչապետը կարևորել է ՌԴ խաղաղապահ առաքելության կողմից հետևողական քայլերի իրականացումը: Մտքեր են փոխանակվել նաև հայ-ռուսական հարաբերությունների և դրանցում տեղի ունեցող այլ զարգացումների շուրջ:
- Արցախում տեղակայված ռուս խաղաղապահները ՌԴ 63 քաղաքացու են տարհանել։ զինծառայողներն իրականացրել են Ռուսաստանի այն քաղաքացիների տարհանումը, որոնք ավելի վաղ ժամանել էին Լեռնային Ղարաբաղի տարածք։
- Այսօր արցախցի մի խումբ կանայք խաղաղ ակցիա են իրականացրել հանուն Արցախի հայակականության պահպանման, ինչպես նաև՝ ի նշան բողոքի ադրբեջանական ագրեսիայի և Լաչինի միջանցքի գրեթե չորս ամսվա արգելափակման դեմ։ Ստեփանակերտի Եղբայրական հուշահամալիրից նրանք հասել են մինչև Շոշ-Շուշի ճամփաբաժան, որը արգելափակված է ադրբեջանցիների կողմից։
Այս ժամի լուրերը՝ տեսանյութում։
