07.12.2025 | 12:30
Հարավ-արևմուտքից ակտիվ ցիկլոն է ներթափանցում․ հանրապետության ողջ տարածքում տեղումներ են սպասվում
«Մեդլայն» ԲԿ-ի բժիշկներ են ձերբակալվել
Քաղաքականություն
06.04.2023 | 19:41
«Մեդլայն» բժշկական կենտրոնի շուրջ մեկ տասնյակ բժիշկներ են ձերբակալվել։ Տեղեկությունը Factor.am-ին հայտնեց Հակակոռուպցիոն կոմիտեի մամուլի խոսնակ Մարինա Օհանջանյանը։
Նա նշեց, որ բժիշկները ձերբակալվել են Կոմիտեում քննվող քրեական վարույթի շրջանակում։ Այլ տեղեկություն Մարինա Օհանջանյանը չտրամադրեց։
Հիշեցնենք՝ այդ նույն քրեական վարույթով կալանավորված է Երևանի փոխքաղաքապետ Գևորգ Սիմոնյանը։ Քրեական վարույթը կապված է կորոնավիրուսային վարակի կանխարգելման, վերահսկման, բուժման այլ համալիր միջոցառումների ենթադրյալ չարաշահումների հետ, իսկ Սիմոնյանն այդ ժամանակ առողջապահության նախարար Արսեն Թորոսյանի տեղակալն էր։
Ըստ Հակակոռուպցիոն կոմիտեում քննվող վարույթի՝ Գևորգ Սիմոնյանը, 2020-2022թթ. ընթացքում զբաղեցնելով ՀՀ առողջապահության նախարարի տեղակալի պաշտոնը, անձնական շահագրգռվածությունից ելնելով՝ չի կատարել իր ծառայողական պարտականությունները, որի հետևանքով էական վնաս է պատճառվել պետության օրինական շահերին:
Կալանավորված է նաև «Մեդլայն կլինիկ» ՍՊ ընկերության տնօրեն Բաբկեն Շահումյանը։ Իսկ «Թոքաբանության ազգային կենտրոն» ՓԲԸ-ի դեղակայուն բաժանմունքի վարիչ Լ.Ե.-ն տնային կալանքի տակ է։ Մինչ այսօրվա ձերբակալությունները՝ ավելի վաղ ձերբակալվել էին նաև ութ այլ բուժաշխատողներ, ապա ազատ արձակվել։
Արփի Հակոբյան
