13.01.2025 | 21:59
Հայաստանի մի շարք հասցեներում էլեկտրաէներգիայի անջատումներ կլինեն
Ալեն Սիմոնյանը ներողություն է խնդրել քաղաքացիներից․ Բաքվից արտաքսում են իրանցի դիվանագետների․ Լուրեր
Քաղաքականություն
06.04.2023 | 18:00
- Ալեն Սիմոնյանը հայտարարել է, որ ներողություն է խնդրում ՀՀ բոլոր քաղաքացիներից՝ կանադահայ Կարեն Մկրտչյանի դեմքին թքելու համար։ Մինչ այդ նա ընդգծել էր, որ Մկրտչյանը Հայաստանի քաղաքացի չէ, և արդարացրել էր իր արարքը նրանով, որ Մկրչյանն իրեն դավաճան է անվանել։ Այսօրվա հայտարարության մեջ Սիմոնյանն ասել է, թե ընդդիմությունը պետք է վերանայի իր հռետորաբանությունը, անձնական վիրավորանքներ հասցնելու իր մարտավարությունը և վերադառնա քաղաքակիրթ բանավեճի դաշտ:
- Պարեկային ոստիկանության անձնակազմի առնվազն 30 տոկոսը պետք է համալրել կանանցով: Այս մասին այսօր հայտարարել է վարչապետ Նիկոլ Փաշինյանը՝ պնդելով, որ առաջիկայում պլանավորում են ամենատարբեր պատճառներով Պարեկային ոստիկանությունում առաջացող ու առկա հաստիքները լրացնել միայն կանանցով։
- Բաքվում Իրանի դեսպանը նորից հրավիրվել է Ադրբեջանի ԱԳՆ։ Նրան հայտնել են, որ դեսպանատան 4 աշխատակից պերսոնա նոն գրատա են ճանաչվել, և պետք է 48 ժամվա ընթացքում լքեն Ադրբեջանը։
Այս ժամի լուրերը՝ տեսանյութում։
