13.03.2026 | 17:20
Բոլոր սցենարները հաշվարկված են․ Ալեքսան Ալեքսանյանը՝ ԱՀԾ-ի և ՔԿ-ի հայտարարությունների մասին․ ՏԵՍԱՆՅՈՒԹ
Հայաստանը կմասնակցի ԱՄՆ-ի գլխավորությամբ ապրիլի 22-ին մեկնարկող Defender-23 զորավարժություններին
Քաղաքականություն
06.04.2023 | 17:42
Հայաստանը մասնակցելու է ապրիլի 22-ից մեկնարկող Defender 23 զորավարժություններին, որոնք անցկացվում են ԱՄՆ-ի գլխավորությամբ։ Այս մասին հայտնել է Պենտագոնի մամուլի խոսնակ Սաբինա Սինգհը։
Նա նշել է, որ շուրջ երկու ամիս տևող ամենամյա զորավարժությունները կենտրոնանում են ԱՄՆ-ում տեղակայված ուժերի ռազմավարական տեղակայման և եվրոպական դաշնակիցների ու գործընկերների հետ փոխգործակցության վրա։
ԱՄՆ-ի գլխավորությամբ Defender 23 զորավարժություններն անցկացվում են Եվրոպայում և Աֆրիկայում 2021 թվականից:
«Մոտավորապես 9,000 ամերիկացի զինվորական և մոտ 17,000 զինծառայող 26 դաշնակից և գործընկեր երկրներից կմասնակցեն զորավարժությունների, իսկ նրանց մի մասը կտարածվի եվրոպական 10 տարբեր երկրներում»,- ասել է Սինգհը:
Մասնակից երկրների ցանկում է նաև Հայաստանը։
Հայաստանից բացի՝ զորավարժություններին մասնակցելու են նաև Ալբանիայի, Բոսնիա և Հերցոգովինայի, Բուլղարիայի, Խորվաթիայի, Չեխիայի, Դանիայի, Էստոնիայի, Ֆրանսիայի, Վրաստանի, Գերմանիայի, Հունաստանի, Հունգարիայի, Իտալիայի, Կոսովոյի, Մոլդովայի, Մոնտենեգրոյի, Նիդեռլանդների, Հյուսիսային Մակեդոնիայի, Լեհաստանի, Ռումինիայի, Սլովակիայի, Իսպանիայի, Շվեդիայի, Մեծ Բրիտանիայի զորքերը։
Էմմա Չոբանյան
