24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Եվրոպայում մոծակների նոր տեսակ է հայտնվել, որը վտանգավոր վիրուսներ է տարածում․ ԱՀԿ
Քաղաքականություն
06.04.2023 | 22:29
Aedes մոծակները, որոնք այնպիսի վիրուսային հիվանդությունների կրողներ են, ինչպիսիք են դենգեն, զիկան և չիկունգունյան, ավելի ու ավելի հաճախ են սկսել հանդիպել Հարավային Եվրոպայում: Այս մասին հայտնում է France 24-ը՝ վկայակոչելով Առողջապահության համաշխարհային կազմակերպության (ԱՀԿ) հայտարարությունը։
Կազմակերպությունում նշել են, որ միջատների տարածմանը նպաստում է կլիմայի փոփոխությունը, մասնավորապես՝ եվրոպական մայրցամաքում ջերմաստիճանի բարձրացումը։
ԱՀԿ-ն զգուշացնում է, որ վտանգի տակ է Իսպանիայի, Ֆրանսիայի, Իտալիայի, Հունաստանի կամ Խորվաթիայի բնակչությունը։
Կազմակերպությունից տեղեկացրել են, որ ի տարբերություն մալարիա կրող մոծակների, որոնք վտանգավոր են գիշերը, Aedes մոծակները մարդկանց գրոհում են ցերեկը։
«Քանի որ այս մոծակները մեկ օրում կարող են խայթել մի քանի մարդու, սա նպաստում է բնակչության բարձր խտություն ունեցող տարածքներում հիվանդությունների բռնկումներին»,- նշել են փորձագետները։
Մինչ օրս մոծակների միջոցով փոխանցվող նշված երեք վիրուսային հիվանդություններից որևէ մեկի դեմ պատվաստանյութ չկա: Այնուամենայնիվ, ԱՀԿ-ի փորձագետները կարծում են, որ նման պատվաստանյութեր կարելի է ստեղծել, եթե ինտենսիվ հետազոտություններ անցկացվեն։
Տաթև Ֆռանգյան
