04.06.2026 | 20:17
Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա
Արցախի պետնախարարը` Արցախ ելումուտի նոր կարգի մասին․ «Պատրոն Դավոն» կմնա կալանքի տակ․ Լուրեր
Քաղաքականություն
05.04.2023 | 15:10
- Արցախի պետնախարար Գուրգեն Ներսիսյանը հայտարարել է, որ այսուհետ Արցախից Հայաստան հնարավոր կլինի մեկնել խիստ անհրաժեշտության դեպքում, բացառապես Ռուսական խաղաղապահ զորախմբի հետ համագործակցության ապահովման կենտրոնի թույլտվությամբ: Առողջական խնդիր և բժշկական օգնության կարիք ունեցողների տեղափոխությունը ՀՀ կկազմակերպվի կարմիր խաչի միջազգային կոմիտեի արցախյան ներկայացուցչության միջոցով՝ Արցախի առողջապահության նախարարության ցուցմամբ:
- ՀՀԿ և ԲՀԿ ցուցակներով նախկին պատգամավոր Աբրահամ Մանուկյանը և նրա հարազատները հրավիրվել են գլխավոր դատախազություն՝ ենթադրաբար ապօրինի գույքի բռնագանձման գործով իրենց ներկայացվող պահանջին ծանոթանալու և դիրքորոշում հայտնելու համար։ Մանուկյանն անցնում է նաև քրեական գործով՝ ԲՀԿ թեկնածուի օգտին ընտրողներին կաշառք տալը կազմակերպելու համար։
- Պաշտպանության նախարարությանը զենք մատակարարող ընկերության տնօրեն, գործարար Դավիթ Գալստյանի (Պատրոն Դավո) խափանման միջոց կալանքը երկու ամսով երկարաձգվել է։ Հակակոռուպցիոն դատարանը բավարարել է Ազգային անվտանգության ծառայության կողմից ներկայացված միջնորդությունը
Այս ժամի լուրերը՝ տեսանյութում։
