30.01.2026 | 21:00
ՔՆՆԱՐԿՈւՄ․ Պատերազմի սպառնալիք՝ սահմանակից Իրանի դեմ․ վտանգավոր իրավիճակ ՀՀ-ի համար. ՏԵՍԱՆՅՈՒԹ
ԲՀԿ-ական նախկին պատգամավորը և նրա ընտանիքը հրավիրել են ապօրինի ծագում ունեցող գույքի բռնագանձման վարչություն
Հասարակություն
05.04.2023 | 12:18
ԱԺ նախկին պատգամավոր Աբրահամ Մանուկյանին, նրա երկու որդիներին՝ Արթուր և Հակոբ Մանուկյաններին, կնոջը՝ Աիդա Մանուկյանին, ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունը ծանուցումներ է ուղարկել։ Այս մասին Factor.am-ը տեղեկանում է «Ազդարար» հայտարարությունների հարթակից։
Աբրահամ Մանուկյանը 2007-2010թթ. եղել է ՀՀ առողջապահության նախարարի տեղակալ, 2003-2007 թթ.՝ «Հայաստանի հանրապետական կուսակցության» կողմից ընտրվել է ԱԺ պատգամավոր, նաև եղել է ԱԺ պետական-իրավական հարցերի մշտական հանձնաժողովի անդամ: Ապա կուսակցափոխ է եղել և արդեն 2012 թ․-ին համամասնական ընտրակարգով ԱԺ պատգամավոր է ընտրվել «Բարգավաճ Հայաստան» կուսակցությունից։ 2015-ին Մանուկյանը ԲՀԿ-ից ևս դուրս գալու դիմում է ներկայացրել։
Հիշեցնենք՝ 2020 թվականին Մանուկյանին մեղադրանք է առաջադրվել Քրեական օրենսգրքի 38-154.2 հոդվածի 2-րդ մասով՝ Ազգային ժողովի 2017 թվականի ապրիլի 2-ի ընտրություններին մասնակցած «Ծառուկյան» կուսակցությունների դաշինքի և դրա կողմից առաջադրված թեկնածուի օգտին քվեարկելու համար ընտրողներին կաշառք տալը կազմակերպելուն Գագիկ Ծառուկյանին և այլոց հանցակցելու համար։ Նախկին պատգամավորը սկզբում կալանավորվել, ապա ազատ էր արձակվել։
Ռոզա Վարդանյան
