19.02.2026 | 18:17
«Օրենքը պետք է հաղթանակի». Բրիտանիայի Չարլզ III թագավորը` եղբոր ձերբակալության մասին
ՀՀ ԱԳ նախարարը և Ռումինիայի Պատգամավորների պալատի փոխնախագահը մասնակցել են ռումինահայ գործչին նվիրված ցուցահանդեսի բացմանը
Քաղաքականություն
04.04.2023 | 12:10
Ապրիլի 3-ին Բուխարեստում Հայաստանի Հանրապետության արտաքին գործերի նախարար Արարատ Միրզոյանը հանդիպել է Ռումինիայի Պատգամավորների պալատի փոխնախագահ Վասիլ Դանիել Սուչիուի հետ. տեղեկացնում են ՀՀ ԱԳՆ-ից։
Զրուցակիցները քննարկել են երկու երկրների միջև խորհրդարանական կապերի ակտիվացման, պարբերական փոխայցելությունների կազմակերպման հարցեր: Երկուստեք ընդգծվել է երկու ժողովուրդների միջև պատմական ու մշակութային ընդհանրությունների և առկա ներուժի հիման վրա Հայաստանի և Ռումինիայի միջև փոխգործակցության զարգացման կարևորությունը:
Հանդիպումից հետո Արարատ Միրզոյանի և Վասիլ Դանիել Սուչիուի մասնակցությանբ Պատգամավորների պալատում կայացել է Ռումինիայի հայտնի գործիչ, ազգությամբ հայ գեներալ Հակոբ Զատիկին (Յակոբ Զադիկ) նվիրված ցուցահանդեսի բացումը: Միջոցառման ընթացքում ելույթով հանդես են եկել Ռումինիայի խորհրդարանի պատգամավոր, ազգային փոքրամասնությունների խմբի նախագահ Վարուժան Փամբուկչյանը և Ռումինիայի գրողների միության առաջին փոխնախագահ, Ռումինիայի հայերի միության նախագահ Վարուժան Ոսկանյանը: Ընդգծվել է տարբեր ժամանակահատվածներում Ռումինիայի հասարակական-քաղաքական, գիտակրթական ու մշակութային կյանքում ռումինահայ համայնքի ներկայացուցիչների ներդրումը, որի վառ օրինակներից է Ռումինիայի և այլ երկրների բարձր գնահատանքին արժանացած գեներալ Հակոբ Զատիկի գործունեությունը:
Ծանոթություն. 2019թ. դեկտեմբերի 16-ին Ռումինիայի հայերի միության հարյուրամյակի առթիվ Ռումինիայի Պատգամավորների պալատում տեղի ունեցած հանդիսավոր ընդունելության ժամանակ Ռումինիայի հայերի միությունը, ի նշան հայ-ռումինական դարավոր բարեկամության, Ռումինիայի խորհրդարանին նվիրաբերել է խաչքար, որը տեղադրված է խորհրդարանի դահլիճներից մեկում։
