30.06.2026 | 17:45
Ի՞նչ գիտեք` մարդկանց չենք գեներացնում փողոց դուրս գալու համար. Սամվել Կարապետյան․ ՏԵՍԱՆՅՈՒԹ
1 պատգամավոր ձերբակալվել է, 1-ը՝ հիվանդանոց տեղափոխվել․ ՀԱՊԿ-ը՝ Արցախի ապակայունացման մասին․ Լուրեր
31.03.2023 | 17:04
- Իրավապահներն ԱԺ-ում ձերբակալել և բերման են ենթարկել «Հայաստան» խմբակցության պատգամավոր Մհեր Սահակյանին։ Պատճառը եղել է Սահակյանի և ՔՊ խմբակցության պատգամավոր Վլադիմիր Վարդանյանի միջև միջադեպը։ Վարդանյանը հիվանդանոց է տեղափոխվել դեմքի ձախ հոնքային շրջանի պատռված վերքով, կատարվել է առաջնային վիրաբուժական մշակում, վերքի ամբողջականությունը վերականգնվել է ներմաշկային կոսմետիկ կարով։
- ՔՊ խմբակցության ղեկավար Հայկ Կոնջորյանը հայտնել է, թե ԱԺ պետաիրավական հանձնաժողովում փակ քննարկման ժամանակ, ընդդիմադիր պատգամավոր Մհեր Սահակյանը հարձակվել է հանձնաժողովի նախագահ, իշխանական պատգամավոր Վլադիմիր Վարդանյանի վրա, հարվածել, մարմնական վնասվածքներ հասցրել վերջինիս և փախել: Հայաստան խմբակցության ղեկավար Սեյրան Օհանյանն էլ ասել է, որ միջադեպը հրահրել է ՔՊ-ից Վլադիմիր Վարդանյանը։ Ձերբակալված պատգամավորի պաշտպան Ռուբեն Մելիքյանն էլ Factor TV-ին տեղեկացրել է, որ նիստի ժամանակ Վարդանյանը վրա է հասել Սահակյանի ուղղությամբ, վերջինս էլ վտանգ զգալով, առաջին և միակ հարված է հասցրել նրան։
- Իրավիճակը հայ-ադրբեջանական սահմանին և Լեռնային Ղարաբաղում հղի է լուրջ ապակայունացմամբ։ Այս մասին հայտարարվել է ՀԱՊԿ քարտուղարության նիստի ժամանակ։ Կազմակերպության գլխավոր քարտուղարը հայտարարել է, որ Լեռնային Ղարաբաղում և հայ-ադրբեջանական սահմանին իրավիճակի հետ կապված ռիսկերը մնում են արդիական։ ՀԱՊԿ քարտուղարության ներկայացուցիչ Յուրի Շուվալովն էլ հայտարարել է, որ կազմակերպությունը գտնվում է մշտական պատրաստ վիճակում՝ ՀԱՊԿ առաքելություն ուղարկելու հայ-ադրբեջանական սահման՝ ելնելով Հայաստանի անվտանգության ապահովման շահերից և այլ օգնություն ցուցաբերելու նպատակով։ Նա նշել է, որ օգնության միջոցառումներն արդեն ներառված են ՀԱՊԿ Հավաքական անվտանգության խորհրդի որոշման նախագծում։
Այս ժամի լուրերը՝ տեսանյութում։
