05.08.2026 | 16:07
Սարյան փողոցի ՕՍՏ-ի խինկալիում և տոլմայում մանրէների վտանգավոր չափաբաժին է հայտնաբերվել․ ՍԱՏՄ
ՀԱՊԿ-ում հայտարարել են, որ հայ-ադրբեջանական սահմանին և ԼՂ-ում իրավիճակը հղի է լուրջ ապակայունացման վտանգով
Քաղաքականություն
31.03.2023 | 12:56
Իրավիճակը հայ-ադրբեջանական սահմանին և Լեռնային Ղարաբաղում հղի է լուրջ ապակայունացմամբ։ Այս մասին հայտարարել են ՀԱՊԿ քարտուղարությունում՝ կազմակերպության կենտրոնակայանում ղեկավարության ընդլայնված կազմով հանդիպման արդյունքներով, գրում է ՏԱՍՍ-ը։
«ՀԱՊԿ գլխավոր քարտուղարի գնահատմամբ՝ իրավիճակը Հարավային Կովկասում շարունակում է հղի լինել լուրջ ապակայունացմամբ: Լեռնային Ղարաբաղում և հայ-ադրբեջանական սահմանին իրավիճակի հետ կապված ռիսկերը մնում են արդիական»,- ասվում է հայտարարությունում։
Գլխավոր քարտուղար Իմանգալի Տասմագամբետովը հայտարարել է, որ կովկասյան տարածաշրջանում Հայաստանի և Ադրբեջանի միջև լարվածությունը պահպանվում է։
«Կովկասյան տարածաշրջանում լարվածությունը պահպանվում է Հայաստանի և Ադրբեջանի միջև՝ որպես երկար տարիների հակասությունների հետևանք»,- ասել է նա կազմակերպության Քարտուղարության և Միացյալ շտաբի ղեկավարության ընդլայնված կազմով հանդիպման ժամանակ։
Էմմա Չոբանյան
