26.08.2026 | 15:47
ՌԴ ԱԳՆ-ն հայտարարել է, թե Արևմուտքը շանտաժի է ենթարկում Հայաստանին երկաթուղու հարցում
Ադրբեջանը փակել է նաև Արցախի ճանապարհի սկիզբը․ 1,5 մլն-անոց ընթրիք Փաշինյանի մասնակցությամբ․ Լուրեր
Քաղաքականություն
30.03.2023 | 14:23
- Վարչապետ Նիկոլ Փաշինյանն այսօրվա կառավարության նիստին հայտարարել է, որ Բաքուն ուղիղ դիտարկման տակ է վերցրել Ստեփանակերտը գյուղերի հետ կապող գրունտային ճանապարհը։
- Արցախի ներքին գործերի նախարարությունից էլ մանրամասնել են, որ Ադրբեջանի զինուժն այսօր գիշեր փակել է Գորիս-Ստեփանակերտ մայրուղին` Աղավնո և Տեղ գյուղերի արանքում։ «Արդեն պատրաստ է փակված ճանապարհը շրջանցող՝ Սյունիքի մարզի Տեղ-Կոռնիձոր գրունտային նոր ավտոճանապարհը, որը միանում է 2022թ. օգոստոսին շահագործման հանձնված նոր՝ Կոռնիձոր-Հին շեն ճանապարհին («Բերձորի (Լաչինի) միջանցքին»): Տեղ-Կոռնիձոր նշված ճանապարհի ասֆալտապատման աշխատանքները Հայաստանի կողմից ընթացքի մեջ են։ ՆԳ նախարարությունն իրազեկում է, որ Տեղ-Կոռնիձոր գրունտային ճանապարհը երթևեկելի է, և, հաշվի առնելով Արցախի շարունակվող շրջափակումը, դրանով հնարավոր է իրականացնել Արցախի հումանիտար մատակարարումները ռուս խաղաղապահների և Կարմիր խաչի միջազգային կոմիտեի կողմից:
- 2023 թվականի փետրվարի 10-ից 11-ը Նիկոլ Փաշինյանի գլխավորությամբ Ջերմուկում տեղի ունեցած Հակակոռուպցիոն քաղաքականության խորհրդի հերթական նիստն արժեցել է 4 մլն 450 հազար 250 դրամ։ Արդարադատության նախարարության տրամադրած ցուցակից տեղեկանում ենք, որ նիստին մասնակցել է 32 մարդ, որոնց համար գալա ընթրիքն արժեցել է 1,5 մլն դրամ։
Այս ժամի լուրերը՝ տեսանյութում։
