26.08.2026 | 15:10
Սերժ Սարգսյանի նկատմամբ խափանման միջոց է ընտրվել // Ընդդիմությունից ԱԺ հանձնաժողովի նախագահ ընտրվեց․ ԼՈՒՐԵՐ
ՀՀ-ՌԴ կապի ռոումինգը կարող է հանվել․ Գրիգորյանը Լատվիայում ներկայացրել է Արցախի իրավիճակը․ Լուրեր
29.03.2023 | 19:10
- Ռուսաստանը մտադիր է 2025 թվականին չեղարկել ԵՏՄ անդամ երկրների հետ միջազգային մուտքային ռոումինգը։ Այս մասին նշվում է Եվրասիական տնտեսական հանձնաժողովի կողմից ԵՏՄ խոշոր բջջային օպերատորներին և ՌԴ Տնտեսական զարգացման նախարարությանն ուղարկված հայցում։ ճանապարհային քարտեզի համաձայն՝ կապի օպերատորները նախ պետք է վերլուծեն և սկսեն աշխատել իրենց ցանցերում խարդախությունները կանխելու ուղղությամբ։
- Ռուսաստանի Ռոսսելխոզնադզորը հայտարարել է, որ կարող է դիտարկել Հայաստանից կաթնամթերքի մատակարարման սահմանափակումներ սահմանելու հնարավորությունը։ Հիմնավորման մեջ նշվել է, թե Հայաստանի կաթ վերամշակող ձեռնարկություններն օգտագործում են Իրանի ձեռնարկությունների արտադրած հումքը, որոնց նկատմամբ Ռոսսելխոզնադզորը սահմանափակող միջոցներ է կիրառել։ Հայաստանի ՍԱՏՄ-ից պարզաբանել են, որ առաջացած խնդիրը քննարկվում է ռուսական կողմի հետ, իսկ սննդամթերքի անվտանգության՝ մարդու կյանքին և առողջությանը սպառնացող որևէ խնդիր չի հայտնաբերվել։
- Լատվիայում գտնվող ԱԽ քարտուղար Արմեն Գրիգորյանը հանդիպումներ է ունեցել Լատվիայի նախագահի աշխատակազմի ղեկավար, նախագահի ազգային անվտանգության հարցերով խորհրդականի և այլ պաշտոնյաների հետ, ներկայացրել Ադրբեջանի կողմից Լաչինի միջանցքի ապօրինի արգելափակման հետևանքով Լեռնային Ղարաբաղում ստեղծված հումանիտար ճգնաժամն ու ՀՀ անվտանգային միջավայրի մարտահրավերները, այդ թվում Ադրբեջանի հավանական էսկալացիայի վերաբերյալ մտահոգությունները: Վերոնշյալի համատեքստում ԱԽ քարտուղարն ընդգծել է Լեռնային Ղարաբաղ և Լաչինի միջանցք միջազգային փաստահավաք առաքելություն գործուղելու անհրաժեշտությունը:
Այս ժամի լուրերը՝ տեսանյութում։
