Փաշինյանի խոսքը՝ Բայդենի նախաձեռնած նիստին․ Մոսկվան՝ Հայաստան ՀԱՊԿ դիտորդներ բերելու մասին․ Լուրեր

• Վարչապետ Նիկոլ Փաշինյանն այսօր մասնակցել է Հանուն Ժողովրդավարության երկրորդ գագաթնաժողովի պաշտոնական բացման լիագումար նիստին: Գագաթնաժողովն անցկացվում է Ամերիկայի Միացյալ Նահանգների նախագահ Ջո Բայդենի նախաձեռնությամբ՝ առցանց ձևաչափով: Փաշինյանը շնորհակալություն է հայտնել Միացյալ Նահանգներին և մյուս գործընկերներին, որ դիվանագիտական միջոցներով օգնեցին կասեցնել Ադրբեջանի հետագա ներխուժումը ՀՀ տարածք։ Նա իր ելույթում նշել է, որ այն, ինչ այսօր տեղի է ունենում Լեռնային Ղարաբաղում հայերի հետ, Ադրբեջանի կողմից Լաչինի միջանցքի շրջափակումը և դրա հետևանքով ծառացած հումանիտար ճգնաժամը, միանշանակ ԼՂ-ում հայերի էթնիկ զտումների փորձ են։ Փաշինյանը նշել է, որ չեն կարող աչք փակել դրա վրա, և կրկնել է, որ Հայաստանը հավատարիմ է մնում Ադրբեջանի հետ խաղաղ գործընթացին։
• Ռուսաստանի ԱԳՆ տեղակալ Միխայիլ Գալուզինը հայտարարել է, որ Մոսկվան հույս ունեն, որ «ով որտեղից է գալիս» թեմայով վնասակար քննարկումները կդադարեն և ՀԱՊԿ-ի շրջանակներում Երևանի հետ համագործակցության բոլոր հարցերը, այդ թվում՝ կազմակերպության դիտորդական առաքելության տեղակայումը Հայաստանի տարածքում, կլուծվեն  կառուցողական ու փոխաշահավետ ձևով։
• Ադրբեջանի ԱԳՆ Ջեյհուն Բայրամովը մեկնել է Երուսաղեմ, որտեղ հանդիպել է Իսրայելի ԱԳ նախարար Էլի Քոենի հետ։ Երկու նախարարները իրենց դժգոհությունն են հայտնել համապատասխանաբար Հայաստանից և Իրանից։ Ադրբեջանի ԱԳ նախարարը շնորհակալություն է Իսրայելի ԱԳ նախարարին 2020 թվականի պատերազմում աջակցության համար։ Նա նաև բողոքել է Հայաստանից, թե իբր Բաքուն խաղաղության օրակարգ է առաջ տանում, իսկ Երևանը սպառնում է ագրեսիվ հռետորաբանությամբ։ Իսրայելցի պաշտոնյան էլ ասել է, որ Իսրայելն ու Ադրբեջանը կիսում են Իրանից եկող սպառնալիքը և պետք է միասին գործեն Իրանի դեմ։

Այս ժամի լուրերը՝ տեսանյութում։