15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Իրանը մերժում է տարածաշրջանի աշխարհաքաղաքական ցանկացած փոփոխություն՝ ցանկացած հիմնավորմամբ. Աբդոլահիանը՝ Լավրովին
Քաղաքականություն
29.03.2023 | 17:23
Իրանի ԱԳ նախարար Հոսեյն Ամիր Աբդոլահիանը Մոսկվայում ՌԴ ԱԳ նախարար Սերգեյ Լավրովի հետ մամուլի ասուլիսում անդրադարձել է Կովկասում զարգացումներին, գրում է Mehr գործակալությունը։
Նա նշել է, որ 3+3 հարթակի և գոյություն ունեցող այլ մեխանիզմների միջոցով պետք է լուծել խնդիրները։
«Առաջիկայում հանդիպում կանցկացվի Թեհրանում։ Հուսով եմ, որ այս ջանքերի արդյունքը կհանգեցնի խնդիրների խաղաղ կարգավորմանը։ Մենք մերժում ենք տարածաշրջանի աշխարհաքաղաքական ցանկացած փոփոխություն՝ ցանկացած հիմնավորմամբ»,- ասել է Աբդոլահիանը։
Իրանի, Ռուսաստանի, Սիրիայի և Թուրքիայի քառակողմ հանդիպման մասին հարցին ի պատասխան՝ իրանցի պաշտոնյան նշել է․ «Վերջերս Թուրքիա և Ռուսաստան կատարած իմ այցի ընթացքում քառակողմ հանդիպման վերաբերյալ խորհրդակցել եմ երկու երկրների պաշտոնյաների հետ։ Այսօր զրույց ունեցանք իմ գործընկեր Սերգեյ Լավրովի հետ։ Այդ հանդիպումը տեղի կունենա հաջորդ շաբաթ՝ չորս երկրների փոխարտգործնախարարների մակարդակով։ Դրա հիմնական նպատակն է մերձեցնել Թուրքիայի և Սիրիայի տեսակետները։ Իրանն ու Ռուսաստանը կփորձեն մոտեցնել այս տեսակետները։ Եթե բանակցություններում շրջանակ որոշվի, ապա կարող է անցկացվել արտգործնախարարների մակարդակով հանդիպման հաջորդ փուլը»։
Հիշեցնենք, որ այս ձևաչափով հանդիպումն արդեն մեկ անգամ հետաձգվել է։ Այն նախատեսվում էր անցկացնել մարտի 15-16-ը։
Էմմա Չոբանյան
