04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Բաքուն նոր առաջխաղացման փորձ է արել ԼՂ-ում․ Վ․ Սարգսյանի կալանավորման որոշումը մնաց ուժի մեջ․ Լուրեր
27.03.2023 | 13:50
- Այսօր առավոտյան ժամը 9։00֊ի սահմաններում Ադրբեջանի ԶՈւ ստորաբաժանումը փորձել է առաջխաղացում կատարել Արցախի Ստեփանակերտ֊Լիսագոր գրունտային ճանապարհի հարակից բարձունքներից մեկի ուղղությամբ։ Նշված հատվածում մարտական հերթապահություն իրականացնող ՊԲ զինծառայողների կանխարգելիչ գործողությունների շնորհիվ ադրբեջանական ստորաբաժանման առաջխաղացման փորձը կասեցվել է։ Միջադեպի մասին հաղորդվել է ՌԴ խաղաղապահ զորակազմի հրամանատարությանը։ Հիշեցնենք, որ ադրբեջանական զինուժը երկու օր առաջ էր առաջ բերել դիրքերը Լաչինի շրջանցիկ ճանապարհի հատվածում։
- Վերաքննիչ քրեական դատարանը մերժել է ՀՀ պաշտպանության նախկին նախարար Վիգեն Սարգսյանի խափանման միջոցի դեմ ներկայացված բողոքը: Սարգսյանին կալանավորելու վերաբերյալ կայացված դատական ակտը թողնվել է անփոփոխ: Նախկին նախարարի նկատմամբ հետախուզում է հայտարարված։
- ԿԸՀ-ից հայտնել են, որ ամփոփել են մարտի 26-ին Շիրակի մարզի Անի և Սյունիքի մարզի Սիսիան համայնքներում կայացած ավագանու արտահերթ ընտրությունների նախնական արդյունքները։ Երկու դեպքում էլ նախնական արդյունքներով առաջատարել է եղել ՔՊ կուսակցությունը։ Վարչապետ Նիկոլ Փաշինյանն անդրադարձել է ընտրությունների արդյունքներին և նշել, որ Սիսիան և Անի խոշորացված համայնքների ընտրողների վստահությունը պարտավորեցնող է եւ սիրելի։
Այս ժամի լուրերը՝ տեսանյութում։
