15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ԱԺ-ում վեճ է եղել Միրզոյանի և ընդդիմադիրների միջև․ Թուրքիայի ֆուտբոլիստները ժամանել են Երևան․ Լուրեր
24.03.2023 | 19:37
- Մարտի 23-ին և այսօր առավոտյան, ադրբեջանական մարտական դիրքերից տարբեր տեսակի ու տրամաչափի զինատեսակներով թիրախավորել և կրակ են բացել Մարտունու շրջանի Մաճկալաշեն համայնքի խաղողայգիներում էտման աշխատանքներ իրականացնող մի խումբ քաղաքացիների ուղղությամբ: Արցախի ՆԳՆ-ից հայտնել են, որ տուժողներ չեն եղել: Դադարեցվել են գյուղատնտեսական աշխատանքները: Արցախի ՆԳՆ-ից նաև հերքել են ադրբեջանական կողմի հերթական պնդումները, թե Շուշին շրջանցող անտառային ու լեռնային ճանապարհով դեպի Արցախ զենք է տեղափոխվում։
- ԱԺ արտաքին հարաբերությունների հանձնաժողովի նիստի ժամանակ վեճ է եղել ԱԳ նախարար Արարատ Միրզոյանի և ընդդիմադիր Հայաստան խմբակցության պատգամավոր Քրիստինե Վարդանյանի միջև։ Վարդանյանը հարցրել է՝ արդյո՞ք Ադրբեջանը Հայաստանին ներկայացրել է ռեպարացիաների, անկլավների և Հայաստան ադրբեջանական բնակչության տեղափոխման պահանջներ։ Միրզոյանը այս հարցերը անվանել է նավոդկա՝ հուշում ադրբեջանական կողմին, ինչի շուրջ էլ վեճ է սկսվել։ Մեկ այլ վեճ է եղել այն պատճառով, որ ընդդիմադիր պատգամավորներից մեկը Միրզոյանին ասել է, որ նա օկուպացրել է Հայաստանի ԱԳ նախարարի պաշտոնը։ Միրզոյանն էլ ասել է, որ ինքը զբաղեցնում է այդ պաշտոնը, ոչ թե օկուպացրել է այն։
- Թուրքիայի ֆուտբոլի ազգային հավաքականը արդեն ժամանել է Երևան՝ Զվարթնոց օդանավակայան։ Եվրոպայի առաջնության ընտրական մրցաշարի առաջին մրցափուլի Հայաստան-Թուրքիա հանդիպումը տեղի կունենա մարտի 25-ին Երևանի Վազգեն Սարգսյանի անվան «Հանրապետական» մարզադաշտում՝ ժամը 21:00-ին։ ՈՒԵՖԱ-ի որոշմամբ՝ Թուրքիայի երկրապագուները հանդիպմանը ներկա չեն գտնվելու։
Այս ժամի լուրերը՝ տեսանյութում։
