ԼՂ հակամարտությունն անհամեմատելի է Դոնեցկի, Լուգանսկի կամ Կոսովոյի սերբերի խնդրի հետ․ Մարուքյան

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Լեռնային Ղարաբաղի հակամարտությունն անհամեմատելի է Դոնեցկի, Լուգանսկի կամ Կոսովոյի սերբերի խնդրի հետ, քանզի վերջին 30 տարիներին այն միշտ եղել է ինքնավար մարզ։ Այս մասին Twitter-ում գրել է հատուկ հանձնարարություններով ՀՀ դեսպան Էդմոն Մարուքյանը։

«Իր ողջ իրավական ու քաղաքական պատմությամբ Լեռնային Ղարաբաղն անհամեմատելի է Դոնեցկի, Լուգանսկի կամ Կոսովոյի սերբերի խնդրի հետ, քանի որ այն միշտ եղել է ինքնավար ու ինքնորոշված մարզ վերջին 30 տարիներին։ Ավելին՝ Լեռնային Ղարաբաղի հակամարտությունը նախորդել է ԽՍՀՄ փլուզմանը, ի տարբերություն թվարկվածների»,-գրել է Մարուքյանը։
Վերջինս նաև նշել է, որ ԼՂ հիմնախնդրի լուծում որոնելիս միջազգային հանրությունը պետք է հաշվի առնի ողջ պատմական ու իրավաքաղաքական հիմքը, հակառակ դեպքում ոչ համարժեք օրինակների վրա կառուցված ցանկացած լուծում կհանգեցնի խնդրի խորացմանն ու չլուծմանը։

Հիշեցնենք, որ մարտի 20-ին Մոսկվայում Հայաստանի ԱԳ նախարար Արարատ Միրզոյանի հետ հանդիպումից հետո կայացած մամուլի ասուլիսի ընթացքում ՌԴ ԱԳ նախարար Սերգեյ Լավրովը պատասխանել էր հարցին, թե որոնք են Ռուսաստանի գործողությունները Լեռնային Ղարաբաղի ժողովրդի անվտանգությունը երաշխավորելու համար։

«Նորագույն պատմության նման շատ օրինակներ կան։ Նույնը եղել է նաև Մինսկի համաձայնագրերում. ի՞նչ իրավունքներ պետք է ունենան Ուկրաինայի արևելյան մասի բնակիչները՝ համաձայն այդ նույն Մինսկի համաձայնագրերի: Դա իրենց մայրենի լեզվի իրավունքն է, երեխաներին սովորեցնել այս լեզվով, օգտագործել այն՝ պահպանելու իրենց մշակույթը, կրոնը, կարողանալ ունենալ տեղական ինքնակառավարում, հատուկ տնտեսական և առևտրային կապեր իրենց հայրենակիցների հետ (Դոնբասի դեպքում դա Ռուսաստանն էր)։

Մոտավորապես նույն իրավունքները նախատեսված էին տասը տարի առաջ Բելգրադի և Պրիշտինայի միջև Կոսովոյի սերբական համայնքի ստեղծման մասին համաձայնագրում՝ լեզու, տեղական ինքնակառավարում, կրթություն, մշակույթ, կրոն, հատուկ տնտեսական կապեր Սերբիայի հետ»,- մանրամասնել էր Լավրովը՝ հավելելով, որ ԼՂ ժողովրդին անհրաժեշտ է իրավունքների նման փաթեթ։

Տաթև Ֆռանգյան