01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Զախարովան՝ ՀՀ-ում ադրբեջանցիների բնակեցման մասին․ Պապիկյանը զորամասեր է այցելել․ Լուրեր
Քաղաքականություն
23.03.2023 | 16:57
- Ռուսաստանի ԱԳՆ խոսնակ Մարիա Զախարովան հայտարարել է, որ թշնամական հռետորաբանության և ԼՂ-ում միջադեպերի աճը, ինչպես նաև Լաչինի միջանցքի շուրջ ստեղծված իրավիճակում փոխզիջումների գնալու՝ կողմերի պատրաստակամության պակասը մտահոգության տեղիք է տալիս։ Զախարովան նաև ասել է, թե Հայաստան՝ ադրբեջանցիների և Ադրբեջան՝ հայերի վերադարձի հարցը պետք է դիտարկվի երկու ժողովուրդներին հաշտեցման համատեքստում իրականացվող երկխոսության շրջանակում։
- Եվրոպայի խորհրդի խորհրդարանական վեհաժողովի (ԵԽԽՎ) իրավական հարցերի և մարդու իրավունքների հանձնաժողովը կոչ է արել Բաքվին անհապաղ կատարել Արդարադատության միջազգային դատարանի որոշումը Լաչինի միջանցքի բացման վերաբերյալ։
- Մարտի 23-ին ՀՀ պաշտպանության նախարար Սուրեն Պապիկյանն այցելել է հանրապետության N զորամիավորման ենթակա զորամասերից մեկը։ Պապիկյանը զինծառայողներին հորդորել է խստագույնս հետևել անվտանգության կանոններին, ինչպես նաև ուշադրությամբ ու բարձր կարգապահությամբ կազմակերպել ծառայությունն ու մարտական հերթապահությունը՝ հատկապես անբարենպաստ եղանակային պայմաններում։
Այս ժամի լուրերը՝ տեսանյութում։
