26.08.2026 | 15:10
Սերժ Սարգսյանի նկատմամբ խափանման միջոց է ընտրվել // Ընդդիմությունից ԱԺ հանձնաժողովի նախագահ ընտրվեց․ ԼՈՒՐԵՐ
Փաշինյանն ագրեսիա է որակել Ալիևի խոսքերը․ ըստ Բլինքենի՝ Երևան-Բաքու համաձայնությունը մոտ է․ Լուրեր
23.03.2023 | 14:18
- Վարչապետ Նիկոլ Փաշինյանը այսօր ագրեսիայի ակտ է որակել Ադրբեջանի ղեկավար Իլհամ Ալիևի հայտարարությունը, թե Հայաստանը պետք է ընդունի Ադրբեջանի պայմանները և համաձայնվի Ադրբեջանի պայմաններով դելիմիտացիա իրականացնել, հակառակ դեպքում՝ ոչ մի խաղաղության պայմանագիր չի լինելու:
- Վարչապետը նաև հայտնել է, որ Ադրբեջանը Արցախի Թալիշ գյուղում ավերել է հայերին պատկանող տները և այնտեղ ադրբեջանցիների համար տներ է կառուցում։ Չնայած այս ամենին՝ Փաշինյանը պնդել է, թե խաղաղության պայմանագիր լինելու է և այն լինելու է մինչ օրս բարձրագույն մակարդակներում ձեռք բերված գրավոր փաստաթղթերի հիման վրա:
- ԱՄՆ պետքարտուղար Էնթոնի Բլինքենը հայտարարել է, թե Հայաստանն ու Ադրբեջանը շուտով կարող են խաղաղության համաձայնության հասնել: ԱՄՆ Կոնգրեսում նա պնդել է, թե կա բարենպաստ հնարավորություն, որը թույլ է տալիս փաստացի ավարտին հասցնել խաղաղության համաձայնագրի նախապատրաստումը
- Ֆրանսիայի արտաքին գործերի նախարար Կատրին Կոլոննան նախօրեին հայտարարել է, որ ծրագրում է ապրիլի ընթացքում այցելել Ադրբեջանի և Հայաստանի մայրաքաղաքներ՝ հիշեցնելու քաղաքական լուծման անհրաժեշտության, հրադադարի անհրաժեշտության մասին, ինչի շուրջ երկու կողմերը պարտավորություն են ստանձնել, և ընդգծելու, որ ուժի կիրառման սպառնալիքներն անընդունելի են։
Այս ժամի լուրերը՝ տեսանյութում։
