15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Մնացական Մարտիրոսյանը իրավական համայնքում շատ հարգված է. Գրիգոր Մինասյան․ ՏԵՍԱՆՅՈՒԹ
Հասարակություն
23.03.2023 | 13:33
Դատավորների միության հայտարարությունն անհիմն է, և ուղղակի մտքեր են, որոնց պատշաճ ընթացակարգերով հնարավորություն չկա արձագանքելու: Այս մասին այսօր Կառավարության նիստից հետո լրագրողների հետ զրույցում նշեց ՀՀ արդարադատության նախարար Գրիգոր Մինասյանը:
Նախարարի խոսքով՝ եթե դատավորը խախտում է անում, կարգապահական վարույթ է հարուցվում, այնուհետև ԲԴԽ-ն՝ սահմանադրական լիազորությունների շրջանակում պատասխանատվության է ենթարկում դատավորին:
Դատավորների միության նախագահ Ալեքսանդր Ազարյանը երեկ հայտարարել էր, որ ԲԴԽ նախագահը ձեռնամուխ է եղել հեղինակավոր դատավորների լիազորությունները դադարեցնելուն: «Կարեն Անդրեասյանը, որպես կուսակցական գործիչ և նախկին արդարադատության նախարար, ներկայիս արդարադատության նախարարի հետ հանդիսանալով մտերիմ ընկերներ, միասին ունենալով անձնական ու ընդհանուր գույքային, ֆինանսական շահեր, ձեռնամուխ են եղել դատավորների լիազորությունները դադարեցնելուն»,- նշված էր հայտարարությունում:
Անդրադառնալով այն դիտարկումներին, որ ԲԴԽ-ն ընտրողաբար է մոտենում դատավորներին կարգապահական պատասխանատվության ենթարկելու հարցին՝ Մինասյանն ասաց.
«Մենք նայում ենք, եթե նույն դատավորը նույն ծանրաբեռնվածության շրջանակներում, օրինակ՝ 9 գործ շատ պատշաճ ժամկետում հասցնում ու քննում է, բայց մեկ գործով ձգձգում է, և կոնկրետ իրավունք է ոտնահարվում, այստեղ հարց է առաջանում՝ ծանրաբեռնվածության շրջանակներում ինչո՞ւ է այս կամ այն գործը քննվում, իսկ մեկը թողնվում դարակներում: Այդ ծանրաբեռնվածությունը մատի փաթաթան սարքել պետք չի: Մեր քաղաքացիները 30 տարի դատական համակարգից դժգոհ են եղել: Մեր արդարադատության ոլորտն այն մակարդակի չէ, որով մենք կարող ենք ուրախանալ կամ հպարտանալ: Այն բոլոր ռեֆորմները՝ թե՛ օրենսդրական, թե՛ վեթինգի մեթոդոլոգիան կիրառում ենք միայն այն դեպքում, եթե կա դժգոհ քաղաքացի, խախտված մարդու իրավունք կամ Դատական օրենսգրքով սահմանված հոդվածների խախտում, դրա հիման վրա ենք առաջ տանում մեր գործերը: Ունենք ՄԻԵԴ-ի որոշումներ, որտեղ կոնկրետ գրված է դատավորի անուն-ազգանուն, որ այդ դատավորը խախտում է արել և բացարձակ հայտնի չէ, թե այդ դատավորն քաղաքական ինչ դիրքորոշում ունի»:
Անդրադառնալով հարցին, թե ինչ կարծիք ունի դատավոր Մնացական Մարտիրոսյանի մասին, որի կողմից կայացված դատական ակտով, ըստ ՄԻԵԴ-ի, խախտվել են Նիկոլ Փաշինյանի իրավունքները, նախարարը նշեց. «Իրավական համայնքում որպես մասնագետ Մնացականյանը շատ հարգված է»:
Մանրամասները տեսանյութում:
