11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
ԱՄՆ պետքարտուղարությունը՝ Բլինքեն-Փաշինյան, Բլինքեն-Ալիև հեռախոսազրույցների մասին
Քաղաքականություն
22.03.2023 | 11:35
ԱՄՆ Պետքարտուղարության փոխխոսնակ Վեդանտ Պատելը նախօրեի ճեպազրույցում անդրադարձել է պետքարտուղար Էնթոնի Բլինքենի՝ Հայաստանի ու Ադրբեջանի ղեկավարներ Նիկոլ Փաշինյանի ու Իլհամ Ալիևին վերջին զանգերին։
«Նա առաջարկում էր իր շարունակական աջակցությունը ԱՄՆ-ի կողմից այս ներգրավվածություններին աջակցելու հարցում, որն, ինչպես գիտեք, մի բան է, ինչին մենք բավականին հավատարիմ ենք մնացել: Ակնհայտ է քարտուղար Բլինքենի նվիրվածությունն այս հարցում, երբ դեսպան Ռիկերն էր ղեկավարում այս պորտֆելն իր աշխատանքով, իսկ այժմ նաև Լուիս Բոնոյի աշխատանքով»,-ասել է Պատելը։
Պատասխանելով հարցին, արդյո՞ք Ալիևի հետ զրույցում պետքարտուղար Բլինքենը մարդու իրավունքներին առնչվող խնդիրները բարձրաձայնվել են, փոխխոսնակը նշել է․ «Ես առանձնահատուկ բան չունեմ դիվանագիտական ներգրավվածությունների մասին խոսելու համար: Բայց, իհարկե, մարդու իրավունքները մի բան է, որը մենք պարբերաբար բարձրացնում ենք մեր բոլոր գործընկերների հետ, այդ թվում՝ Հարավային Կովկասում»։
Էմմա Չոբանյան
