16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՀՀ ԶՈւ զինծառայողը հայտնվել է Ադրբեջանի հսկողության տարածքում․ հայտնի է ՔՊ-ի՝ ՄԻՊ թեկնածուն․ Լուրեր
21.03.2023 | 20:30
- Այսօր` ժամը 12:20-ի սահմաններում, ՀՀ ԶՈՒ զինծառայող Մ. Գ.-ն, մարտական հենակետ մեքենայով սնունդ տեղափոխելիս, վատ տեսանելիության և մառախուղի պայմաններում նախնական տվյալներով մոլորվել է տեղանքում ու մեքենայով հայտնվել ադրբեջանական վերահսկողության տակ գտնվող տարածքում։ ՊՆ-ից հայտնել են, որ մեկնարկել են որոնողափրկարարական աշխատանքներ՝ զինծառայողի՝ ադրբեջանական վերահսկողության տակ գտնվող տարածքում հայտնվելը հաստատելու և նրան վերադարձնելու ուղղությամբ։
- Ազգային ժողովի ՔՊ խմբակցությունը Մարդու իրավունքների պաշտպան կառաջադրի Անահիտ Մանասյանին, Factor.am-ին հայտնել են խմբակցությունից։ Մանասյանն այժմ գլխավոր դատախազ Աննա Վարդապետյանի տեղակալն է։
- «Սուրմալու» և «Տաշիր» առևտրի կենտրոնները շարունակում են փակ մնալ։ ՏՔՀԱ տեսչական մարմնի խոսնակ Ելենա Զոհրաբյանը Factor.am-ի հետ զրույցում ասել է, որ տնօրինությունը հայտնաբերված խախտումները դեռ չի վերացրել։ Նա նշել է, որ առաջիկայում տեսչականը կհայտարարի խախտումների հիմքով այլ առևտրի կենտրոնների գործունեության դադարեցման մասին։
Այս ժամի լուրերը՝ տեսանյութում։
