30.04.2026 | 12:22
Խուլիան Ալվարեսը գերազանցել է Մեսիի ցուցանիշը Չեմպիոնների լիգայում
Պուտինը ՀՀ-ի դեմ լուրջ պրովոկացիա կարող է անել՝ այցելել այստեղ, թե՝ փորձեք ձերբակալել․ Արթուր Սաքունց․ ՏԵՍԱՆՅՈՒԹ
Քաղաքականություն
21.03.2023 | 22:32
Արդյո՞ք միանշանակ է, որ ՀՀ-ն այն պետությունների շարքում է, որոնք պարտավոր են ձերբակալել և Հաագայի միջազգային քրեական դատարանին հանձնել Վլադիմիր Պուտինին, եթե նա ժամանի մեր երկիր։ 1998 թվականին ՀՀ-ն ստորագրել է, սակայն դեռևս չի վավերացրել Հռոմի կանոնադրությունը, որը միջազգային պայմանագիր է։
Հաագայի Միջազգային քրեական դատարանը տվեց Վլադիմիր Պուտինին, ՌԴ-ի երեխաների իրավունքների պաշտպան Մարիա Լվովա-Բելովային ձերբակալելու միջազգային օրդեր։ Նրանք կասկածվում են ուկրաինացի երեխաների անօրինական դեպորտացիայի մեջ։
ՀՔԱՎ գրասենյակի ղեկավար, իրավապաշտպան Արթուր Սաքունցը Factor TV-ին տված հարցազրույցում միանշանակորեն պնդում է, որ ՀՀ-ն պետք է աջակցի Վլադիմիր Պուտինի ձերբակալմանը։ Իրավապաշտպանը պնդում է՝ դա կբխի ՀՀ պետական շահերից, քանի որ Ադրբեջանի նախագահը ևս պատերազմական հանցագործություններ է կատարել, ագրեսիայի է դիմել ԼՂ-ի և ՀՀ-ի դեմ, էթնիկ զտմամբ է սպառնում ԼՂ-ին, և կարիք կա Միջազգային քրեական դատարանում Ադրբեջանի ղեկավարի դեմ ևս պրոցես սկսել։ Իսկ դա նշանակում է, որ ՀՀ-ն պետք է վավերացնի Հռոմի ստատուտը, որպեսզի Ալիևի դեմ Միջազգային քրեական դատարան հայց ներկայացվի։
Իրավապաշտպանը զգուշացնում է նաև ՀՀ-ի դեմ սՌԴ նախագահի կողմից հավանական սադրանքի մասին, ըստ նրա՝ Պուտինը, հնարավոր է, միտումնավոր այցելի Հայաստան, հարց դնելու Երևանի առաջ՝ ձերբակալե՞լ, թե՞ ոչ։ Արթուր Սաքունցը նաև հարց է ձևակերպում իշխանության առաջ՝ որոշել՝ միջազգային հանցագործ Վլադիմիր Պուտինի՞, թե՞ միջազգային իրավունքի կողմից են։
Հարցազրույցն ամբողջությամբ՝ տեսանյութում։
Ռոբերտ Անանյան
