15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Չավուշօղլուն՝ Մոսկվայում նախատեսված Թուրքիայի, ՌԴ-ի, Սիրիայի և Իրանի ԱԳ փոխնախարարների հանդիպման հետաձգման պատճառների մասին
Քաղաքականություն
20.03.2023 | 22:42
Թուրքիայի ԱԳ նախարար Մևլութ Չավուշօղլուն լրագրողների հետ զրույցում անդրադարձել է օրերս Մոսկվայում սիրիական հարցով կայանալիք հանդիպման չեղարկմանը, գրում է TRT Haber-ը։
«Ռուսներն ասացին՝ մենք չենք կարողացել պատրաստվել, հետաձգենք։ Այնտեղ էր սիրիական ռեժիմը, միգուցե, նրանք համատեղ որոշում են կայացրել։ Հետո ասացին՝ կանենք ապագայում, մենք էլ պատասխանեցինք՝ լավ»,- ասել էՉավուշօղլուն։
Պատասխանելով Սիրիայի նախագահ Բաշար Ասադի՝ Մոսկվայում գտնվելու մասին հարցին՝ Չավուշօղլուն հայտարարել է, որ չի կարող մեկնաբանել երկու կողմերի բանակցությունները, նաև հավելել, որ քառակողմ հանդիպումը Ռուսաստանի առաջարկն է, և իրենք սպասում են նոր ժամկետի։
Հիշեցնենք, որ մարտի 16-ին Մոսկվայում նախատեսված սիրիական կարգավորման հարցով Ռուսաստանի, Թուրքիայի, Իրանի և Սիրիայի պատվիրակությունների հանդիպումը տեխնիկական պատճառներով հետաձգվել էր։
Հավելենք, որ 2022 թվականի դեկտեմբերին, 2011 թվականից ի վեր առաջին անգամ, Մոսկվայում կայացել էր Թուրքիայի և Սիրիայի պաշտոնյաների հանդիպումը՝ ՊՆ և հետախուզական ծառայությունների ղեկավարների մակարդակով։
Էմմա Չոբանյան
