06.10.2026 | 17:26
ԱՀԿ-ն հաստատել է՝ Հայաստանը հասել է հեպատիտ B-ի վերահսկման թիրախներին
Բլինքենը կոշտ է խոսել Ալիևի հետ, որը հարձակման է պատրաստվել. պատժամիջոց կլինի, եթե Ադրբեջանը սադրի․ Տիգրան Խզմալյան․ ՏԵՍԱՆՅՈՒԹ
Քաղաքականություն
20.03.2023 | 20:17
Հաագայի Միջազգային քրեական դատարանը Վլադիմիր Պուտինին, ՌԴ-ի երեխաների իրավունքների պաշտպան Մարիա Լվովա-Բելովային ձերբակալելու միջազգային օրդեր տվեց։ Նրանք կասկածվում են ուկրաինացի երեխաների անօրինական տեղահանման մեջ։
Հայաստանի Եվրոպական կուսակցության ղեկավար Տիգրան Խզմալյանին հարց ուղղեցինք՝ այն դեպքում, երբ ռուս պրոպագանդիստները սպառնում են այն երկրին, որը կհամարձակվի Պուտինին ձերբակալել, հարց է առաջանում՝ արդյո՞ք թղթի վրա չի մնա այս որոշումը, և զուտ բարոյական հաղթանակ չի՞ լինի։
«Անգամ բարոյական հաղթանակը քաղաքականության մեջ ունի վճռական նշանակություն։ Մենք տեսանք, որ զորեղ և անպարտելի հռչակված Պուտինը բռնված է ականջից, և վերադառնում է այն բանդիտական, կրիմինալ Պետերբուրգ, որտեղից ժամանակին դուրս է եկել։ Օղակը սեղմվում է։ Հանցագործը մնաց և հռչակվեց հանցագործ՝ աշխարհով մեկ։ Դա իրեն ամենամեծ պատիժն է՝ իր կենդանության օրոք տեսավ մարդկության գնահատականն իրեն։ Իր գործը տապալված է։ Այս դատավճիռը միայն առաջինն է, որովհետև երեխաներով գործը չի ավարտվի, պարզապես դա ամենահուզիչ, ակնառու թեման է։ Մենք ինքներս չենք համարձակվում հանցագործին անվանել նաև հայ ժողովրդի դահիճ։ Պուտինը նախևառաջ հայերի դահիճն է, և մեր հազարավոր զինծառայողների արյունը նրա ձեռքերին է․ Ադրբեջանը գործիք է, նա էր նախապատրաստել պատերազմը»,- ասաց Տիգրան Խզմալյանը։
Հարցազրույցն ամբողջությամբ՝ տեսանյութում։
Ռոբերտ Անանյան
