10.01.2025 | 23:14
ՊԵԿ նախագահն ընդունել է Հնդկաստանի դեսպանին
Գրիգորի Խաչատուրովը կալանավորվեց․ Քերոբյանը՝ Թուրքիայի սահմանի բացման մասին․ Լուրեր
16.03.2023 | 19:40
- ԱԺ քննիչ հանձնաժողովում ԶՈՒ ԳՇ նախկին պետ Օնիկ Գասպարյանի հարցաքննությունը շարունակվել է առնվազն 5 ժամ։ Նա այդ ընթացքում միայն զեկույց է ներկայացրել, և պատգամավորները հարցեր տալու հնարավորություն չեն ունեցել։ ՔՊ պատգամավոր Քրիստինե Պողոսյանը հայտնել է, որ հարցերի համար Գասպարյանին հնարավոր է նորից հրավիրեն քննիչ հանձնաժողով։ Հարցաքննությանը ընդդիմության ներկայացուցիչները չեն մասնակցել, քանի որ ի սկզբանե հրաժարվել են քննիչ հանձնաժողովում ներգրավումից։
- ՀՀ ԶՈՒ ԳՇ նախկին պետ Յուրի Խաչատուրովի որդին՝ Գրիգորի Խաչատուրովը կկալանավորվի։ Վերաքննիչ քրեական դատարանը որոշում է կայացրել բավարարել նախաքննական մարմնի կողմից ներկայացված բողոքը և Խաչատուրովի նկատմամբ խափանման միջոց ընտրել կալանքը՝ բեկանելով առաջին ատյանի դատարանի որոշումը։ ՀՀ ԶՈՒ 3-րդ բանակային կորպուսի նախկին հրամանատար Գրիգորի Խաչատուրովը մեղադրվում է փողերի լվացման մեջ։ Այս քրեական գործը «Հայաստան» խմբակցության ղեկավար Սեյրան Օհանյանի նկատմամբ հարուցված քրեական գործի մասն է։
- ՀՀ էկոնոմիկայի նախարար Վահան Քերոբյանը ռուսական մամուլին հայտնել է, որ նախորդ տարի Հայաստան է եկել ու հաստատվել 110 հազար ռուսաստանցի։ Նա նշել է, որ նրանք բիզնեսներ են բացել Հայաստանում։ Քերոբյանը վստահեցրել է, որ Թուրքիայի հետ պայմանավորվածություն կա, և ամռանից ռուսաստանցիները՝ որպես երրորդ պետության քաղաքացիներ, կկարողանան հատել հայ-թուրքական սահմանը։ Նախարարը նաև նշել է, որ Մոսկվան ու Երևանն ամբողջությամբ հրաժարվել են դոլարով ու եվրոյով վճարումներից և փոխադարձ առևտրում կիրառում են ազգային արժույթները։ Նախարարը նշել է, որ դրամը դեռևս ավելի գերադասելի է, այն ավելի կայուն է, քան ռուբլին։
Այս ժամի լուրերը՝ տեսանյութում։
