30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Լավրովն ու Միրզոյանը մարտի 20-ին կհանդիպեն․ ՌԴ-ն հույս ունի բարելավել երկխոսության որակը ՀՀ-ի հետ․ ՌԴ ԱԳՆ
Քաղաքականություն
16.03.2023 | 17:42
ՌԴ ԱԳ նախարար Սերգեյ Լավրովը մարտի 20-ին Մոսկվայում կհանդիպի իր հայ գործընկեր Արարատ Միրոզյանի հետ։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Վերջինը հույս է հայտնել, որ հանդիպումը կնպաստի Հայաստանի հետ երկխոսության որակի բարելավմանը։
«Մենք ակնկալում ենք, որ առաջիկա հանդիպումը կօգնի բարելավել Երևանի հետ երկխոսության որակը, ինչպես նաև աշխատել Հարավային Կովկասում անվտանգության և կայունության ամրապնդման ուղղությամբ»,- ասել է Զախարովան։
Նա հավելել է, որ վանակցությունների օրակարգում ներառված են տարածաշրջանային հարցեր, այդ թվում՝ Լաչինի միջանցքի շուրջ իրավիճակի կարգավորումը և ընդհանրապես Լեռնային Ղարաբաղում, Ռուսաստանի, Հայաստանի և Ադրբեջանի ղեկավարների միջև եռակողմ պայմանավորվածությունների իրականացումը։
ԱԳՆ ղեկավարները կքննարկեն նաև ինտեգրացիոն նախագծերի շրջանակում համագործակցության զարգացման և փոխգործակցության ամրապնդմանն ուղղված քայլերը։ Նախատեսվում է մտքերի փոխանակում ընթացիկ միջազգային օրակարգի շուրջ, միջազգային տարբեր հարթակներում գործողությունների համակարգում։
Տաթև Ֆռանգյան
