16.11.2024 | 13:49
Վանաձորում ձին ընկել է դիտահորը
Օնիկ Գասպարյանը 5 ժամ է՝ զեկույց է ներկայացնում. նա ևս մեկ անգամ կգա հանձաժողով
Հասարակություն
16.03.2023 | 16:12
Արդեն 5 ժամ է ընթանում է 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նիստը։
Զինված ուժերի գլխավոր շտաբի նախկին պետ Օնիկ Գասպարյանը հանձնաժողովի կազմին այս 5 ժամերի ընթացքում զեկույց է ներկայացնում։
Այս պահին նիստը ընդմիջվեց, որից հետո Գասպարյանը կշարունակի զեկույցի ներկայացումը։
Հանձնաժողովի անդամ, իշխանական պատգամավոր Քրիստինե Պողոսյանի փոխանցմամբ՝ այսօր Օնիկ Գասպարյանի հետ հարցուպատասխան հնարավոր է՝ չլինի։ «Այսօր կլսենք նրա զեկույցը, իսկ հարցուպատասխանի համար նրան, գուցե, նորից հրավիրենք»,-ասաց իշխանական պատգամավորը։
Քննիչ հանձնաժողովի նիստն ընթանում է առանց ընդդիմության։ Խորհրդարանական ընդդիմությունը, ի սկզբանե, բոյկոտել է հանձնաժողովի աշխատանքը։
