26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Վեճ ԱԺ-ում պատգամավորների միջև․ Գյուրջինյանը նշանակվեց «Բրյուսովի» ռեկտորի պաշտոնակատար․ Լուրեր
Քաղաքականություն
15.03.2023 | 13:31
- ԿԳՄՍՆ լեզվի կոմիտեի նախագահ Դավիթ Գյուրջինյանը նշանակվել է Բրյուսովի անվան պետական համալսարանի ռեկտորի պաշտոնակատար: Այս մասին Factor.am-ի հետ զրույցում ասաց բուհի ռեկտորի նախկին պաշտոնակատար Ցոլակ Ակոպյանը: Նրա խոսքով՝ այսօր առավոտյան են տեղեկացել նշանակման մասին։ Այս պահին համալսարանականներն ու աշխատակազմը բողոքի ակցիա են իրականացնում, նրանք դեմ են Գյուրջինյանի նշանակմանը։ Մինչ այդ Գյուրջինյանը որպես իշծանության թեկնածու մասնակցել էր բուհի ռեկտորի ընտրությանը, սակայն պարտվել էր։
- Ազգային ժողովում հերթական անգամ վիճաբանություն է սկսվել իշխանական և ընդդիմադիր պատգամավորների միջև։ Հանգիստ պահի քեզ այ տղա և նմանատիպ արտահայտություններով տնտեսական հարցերի հանձնաժողովի նիստի ժամանակ միմյանց հետ վիճել են Հայաստան խմբակցությունից Թադևոս Ավետիսյանը և ՔՊ խմբակցությունից Սիսակ Գաբրիելյանը։
- Գերմանիան անհանգստացած է հայ-ադրբեջանական սահմանին անկայուն իրավիճակով։ Այս մասին ասել է Գերմանիայի կանցլեր Օլաֆ Շոլցը, որ նախօրեին Ադրբեջանի նախագահ Իլհամ Ալիևի հետ մամուլի ասուլիսում անդրադարձել է նաև Լեռնային Ղարաբաղում տիրող իրավիճակին։ Շոլցը նշել է, որ հակամարտության կարգավորումը ներառում է նաև Լեռնային Ղարաբաղի ժողովրդի իրավունքներն ու անվտանգությունը։
Այս ժամի լուրերը՝ տեսանյութում։
