25.06.2026 | 10:45
«Միասնության թևերը» ընտրությունների գործով երրորդ անձ ներգրավվելու կոչ է արել մի շարք կուսակցությունների
Բայդենի ու Էրդողանի խորհրդականները քննարկել են Հայաստանի ու Ադրբեջանի միջև բանակցությունները
Քաղաքականություն
15.03.2023 | 11:18
ԱՄՆ նախագահ Ջո Բայդենի ազգային անվտանգության հարցերով խորհրդական Ջեյք Սալիվանը նախօրեին հանդիպել է Թուրքիայի նախագահ Ռեջեփ Թայիփ Էրդողանի մամուլի խոսնակ ու գլխավոր խորհրդական Իբրահիմ Քալընի հետ։
Սպիտակ տան հաղորդագրության համաձայն՝ կողմերը քննարկել են տարածաշրջանային ու գլոբալ զարգացումները,այդ թվում՝ իրենց ընդհանուր մտահոգությունները Ուկրաինայի դեմ Ռուսաստանի շարունակական ագրեսիայի և Թուրքիայի ջանքերի մասին՝ ապահովելու Սևծովյան հացահատիկի նախաձեռնության նորացումը:
«Նրանք քննարկել են նաև Հայաստանի և Ադրբեջանի միջև ընթացող խաղաղության բանակցությունները, ինչպես նաև պաշտպանական ոլորտում երկկողմ համագործակցության վերաբերյալ իրենց աջակցությունը։ Պարոն Սալիվանն ընդգծել է Միացյալ Նահանգների տեսակետը, որ Շվեդիան և Ֆինլանդիան պետք է որքան հնարավոր է շուտ դառնան ՆԱՏՕ-ի անդամներ»,- ասվում է հաղորդագրության մեջ։
Էմմա Չոբանյան
