10.06.2026 | 14:00
Բացահայտվել է 184 հանցագործություն, որոնցից 7-ը՝ նախկինում կատարված
Պարեկը ձերբակալվել է առանձնապես խոշոր չափերի մեթամֆետամին պահելու և իրացնելու կասկածանքով
Հասարակություն
14.03.2023 | 17:12
Ներքին գործերի նախարարության Արագածոտնի բաժնի ոստիկանության կողմից երեկ ձերբակալվել է երկու անձ՝ թմրամիջոց պահելու և իրացնելու հիմնավոր կասկածանքով։ Ինչպես Factor.am-ի հետ զրույցում հայտնեց Քննչական կոմիտեի մամուլի քարտուղար Գոռ Աբրահամյանը՝ անձնական խուզարկությամբ նրանցից մեկի մոտ հայտնաբերվել է առանձնապես խոշոր չափերի՝ 1,86 գրամ մեթամֆետամին տեսակի թմրամիջոց։
Փաստի առթիվ նախաձեռնվել է քրեական վարույթ Քրեական օրենսգրքի 393-րդ հոդվածի 3-րդ մասի 2-րդ կետի և 396-րդ հոդվածի 3-րդ մասի հատկանիշներով (Թմրամիջոցների, հոգեմետ (հոգեներգործուն) նյութերի, դրանց պատրաստուկների կամ դրանց համարժեք նյութերի (անալոգի) կամ պրեկուրսորների ապօրինի շրջանառությունն առանց իրացնելու նպատակով)։ Այն անձը, որի մոտ հայտնաբերվել է թմրանյութը ձերբակալված է։
Factor.am-ի տեղեկություններով ձերբակալվածը Պարեկային ծառայության աշխատակից է և զբաղվել է թմրանյութ իրացնելով։
Ռոզա Վարդանյան
