26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Փաշինյանը՝ Ալիևի հետ չհանդիպելու, էսկալացիայի վտանգի, ՀԱՊԿ-ի, Պապիկյանի գնած բնակարանի մասին․ Լուրեր
Քաղաքականություն
14.03.2023 | 16:30
- Հիմա շատ մեծ է էսկալացիայի հավանականությունը և՛ Հայաստանի սահմանի երկայնքով, և՛ ԼՂ-ում: Այս մասին այսօրվա ասուլիսին ասել է վարչապետ Նիկոլ Փաշինյանը՝ նշելով, որ այդ եզրակացությանը գալիս են և՛ Ադրբեջանի հռետորաբանության, և՛ այլ տվյալների հիման վրա։ Նա նաև նշել է, որ Առաջիկայում որևէ ձևաչափով Հայաստանի և Ադրբեջանի ղեկավարների հանդիպում նախատեսված չէ։
- Անդրադառնալով ՀԱՊԿ-ի փոխքարտուղարի պաշտոնից հրաժարվելուն՝ Փաշինյանն ասել է, որ ոչ թե Հայաստանն է դուրս գալիս ՀԱՊԿ-ից, այլ ՀԱՊԿ-ը Հայաստանից, քանի որ բաց է հարցը՝ ՀՀ տարածքում ՀԱՊԿ-ը գործո՞ւմ է, թե՞ չի գործում, կա՞, թե՞ չկա։
- Ըստ կառավարության ղեկավարի՝ Հայաստանը պատերազմում պարտվել է այն պատճառով, որ բանակում գործել է 5-րդ շարասյուն։ Փաշինյանն անլրջություն է անվանել երրորդ նախագահ Սերժ Սարգսյանի պնդումը, որ պատերազմի ժամանակ հայկական զինանոցում եղած զինատեսակների 50 տոկոսը չի կիրառվել։ Փաշինյանը վստահեցրել է, որ բոլոր զինատեսակները կիրառվել են, բացի Սու-30 ինքնաթիռներից, որովհետև դրանք պատրաստ չեն եղել կիրառման։
- Պաշտպանության նախարար Սուրեն Պապիկյանի և մյուսների գնած թանկարժեք բնակարանների վերաբերյալ հարցի բուն իմաստին պատասխանելուց Փաշինյանը խուսափել է՝ հարցնելով, թե 7-8 շենք կա այդ հատվածում, բոլորը Պապիկյանն ու Մակո՞ւնցն են գնել։
Այս ժամի լուրերը՝ տեսանյութում։
